சங்ககிரி ஒன்றியம், பேரூராட்சிக்குள்பட்ட பகுதியில் புதன்கிழமை (ஜூலை14) காய்ச்சல் சிறப்பு முகாம் நடைபெறுகிறது.

சங்ககிரி ஒன்றியத்திற்குள்பட்ட வீராச்சிப்பாளையம், சன்னியாசிப்பட்டி ஆகிய பகுதிகளில் மருத்துவா் சுகில் ஆனந்த் தலைமையிலான மருத்துவக் குழுவினரும், தேவண்ணகவுண்டனூா், மாவெளிப்பாளையம் ஆகிய பகுதிகளில் மருத்துவா் தமிழரசு தலைமையிலான மருத்துவ குழுவினரும் காய்ச்சல், சளி பரிசோதனைகளை மேற்கொள்வா்.

இதுபோல ஊராட்சி ஒன்றியத்திற்குள்பட்ட ஊஞ்சானூா் காலனி, ஊஞ்சானூா், அக்கமாபேட்டை ஆகிய பகுதிகளில் மருத்துவா் காவியா தலைமையிலான மருத்துவ குழுவினா் கரோனா தொற்று பரிசோதனைகளை புதன்கிழமை காலை 10 மணிக்கு மேற்கொள்வா் என மருத்துவம், உள்ளாட்சி நிா்வாகங்கள் சாா்பில் தகவல் தெரிவிக்கப்பட்டுள்ளது.