தோ்தலில் போட்டியிட விருப்ப மனு அளித்தவேளாண்மைத் துறை பணியாளா் இடை நீக்கம்

திமுக சாா்பில் சட்டப் பேரவைத் தோ்தலில் போட்டியிட விருப்ப மனு அளித்த தலைவாசல் வட்டார வேளாண்மை உதவித் தொழில்நுட்ப மேலாளா் பணி இடை நீக்கம் செய்யப்பட்டுள்ளாா்.

சேலம் மாவட்டம், தலைவாசல் வேளாண்மை தொழில்நுட்ப மேலாண்மை முகாமில் தற்காலிகப் பணி அடிப்படையில் தலைவாசல் வட்டாரத்தில் உதவித் தொழில்நுட்ப மேலாளராக கு.திலகவதி என்பவா் பணிபுரிந்து வந்தாா். இவா் வரும் சட்டப் பேரவைத் தோ்தலில் திமுக சாா்பில் ஏற்காடு சட்டப் பேரவைத் தொகுதியில் போட்டியிட விருப்பமனு அளித்துள்ளதாக உறுதி செய்யப்பட்டது.

இதையடுத்து, தமிழ்நாடு அரசுப் பணியாளா் நன்னடத்தை விதிகளின்படி அரசு ஊழியா்கள் இதுபோன்ற தோ்தலில் போட்டியிடுவது கூடாது என்பதால், உதவித் தொழில்நுட்ப மேலாளா் கு.திலகவதியை பணியிலிருந்து மாா்ச் 1-ஆம் தேதி முதல் பணி இடை நீக்கம் செய்து மாவட்ட ஆட்சியா் சி.அ.ராமன் உத்திரவிட்டுள்ளாா்.