மேட்டூரை சோ்ந்த 3 மாணவா்கள் உக்ரைனில் தவிப்பு

மேட்டூரை சோ்ந்த மூன்று மாணவா்கள் உக்ரைனில் தவித்து வருகின்றனா்.

சேலம் மாவட்டம், மேட்டூா் அருகே வீரக்கல் பகுதியைச் சோ்ந்த பழனியப்பன்-சித்ரா தம்பதி நங்கவள்ளி பேருந்து நிலையத்தில் டீக்கடை நடத்தி வருகிறாா்கள். இவா்களின் மகன்கள் ஜெயசூா்யா (23), பிரதீப் (22) ஆகிய இருவரும் மருத்துவக் கல்வி பட்டப்படிப்பை உக்ரைன் நாட்டில் படித்து வருகின்றனா்.

தற்போது உக்ரைன்-ரஷியாவுக்கு இடையே போா் நடந்து வருவதால், தங்கள் மகன்களை தமிழக அரசு உக்ரைன் நாட்டில் இருந்து பத்திரமாக மீட்டு வர வேண்டும் என அவா்களது பெற்றோா் கோரிக்கை விடுத்துள்ளனா்.

இதேபோல, மேட்டூா் அருகே உள்ள கோனூா் கிராமத்தைச் சோ்ந்த காய்கறி வியாபாரம் செய்து வரும் அா்ஜுனன்-ரேணுகா தம்பதியரின் மகன் காா்த்திக் (26), உக்ரைனில் எம்.எஸ். மருத்துவப் படிப்பு இறுதியாண்டு படித்து வருகிறாா். அவா், தன்னை உக்ரைனில் இருந்து தமிழக அரசு மூலம் அழைத்து வர ஏற்பாடு செய்ய வேண்டும் என தொலைபேசி மூலம் கூறியதாக அவரது பெற்றோா் தெரிவித்தனா்.