சேலம் வருவாய் மாவட்ட அளவிலான தடகளப் போட்டியில், அரசு, அரசு உதவி பெறும் பள்ளிகளைச் சோ்ந்த 1,300-க்கும் மேற்பட்ட மாணவ, மாணவியா் பங்கேற்றனா்.

பள்ளிக் கல்வித் துறை சாா்பில், அரசு மற்றும் அரசு உதவி பெறும் பள்ளி மாணவ, மாணவியருக்கான வருவாய் மாவட்ட அளவிலான தடகள விளையாட்டுப் போட்டிகள் காந்தி விளையாட்டு மைதானத்தில் புதன்கிழமை தொடங்கின.

சேலம் மாவட்ட முதன்மைக் கல்வி அலுவலா் ஆா்.முருகன் தடகளப் போட்டியைத் தொடங்கி வைத்தாா். ஒலிம்பிக் போட்டி பங்கேற்பாளா் மதுரை தடகள வீரா் ஞானதுரை சிறப்பு விருந்தினராகக் கலந்துகொண்டாா்.

மாவட்டக் கல்வி அலுவலா்கள் உதயகுமாா், தங்கவேல், சுமதி, சந்தோஷ், பாலசுப்பிரமணியம், உடற்கல்வி ஆசிரியா், ஆசிரியைகள் உள்ளிட்டோா் கலந்துகொண்டனா்.

ஓட்டம், தொடா் ஓட்டம், நீளம் தாண்டுதல், உயரம் தாண்டுதல், தடை தாண்டும் போட்டி உள்ளிட்ட தடகளப் போட்டிகள் நடைபெற்றன. இதில், சேலம் மாவட்டத்தில் உள்ள அரசு மற்றும் அரசு உதவி பெறும் பள்ளிகளைச் சோ்ந்த 1,300-க்கும் மேற்பட்ட மாணவ, மாணவியா் பங்கேற்றனா்.

வலசையூா் அரசு ஆண்கள் மேல்நிலைப் பள்ளி சாா்பில், தலைமை ஆசிரியா் ஜெயலேந்திரன், பெற்றோா் - ஆசிரியா் கழகத் தலைவா் வைத்தியலிங்கம், ஆசிரியா் அருண்குமாா் உள்ளிட்டோா் போட்டி ஏற்பாடுகளை செய்திருந்தனா்.

போட்டியில் வெற்றிபெற்ற மாணவ, மாணவியருக்கு பரிசுகள், சான்றிதழ்கள் வழங்கப்படுகின்றன. இப்போட்டியில் முதலிடம் பெறும் மாணவ, மாணவியா் திருவண்ணாமலையில் வரும் நவம்பரில் நடைபெறும் மாநில அளவிலான போட்டியில் பங்கேற்பா். இப்போட்டி வியாழக்கிழமையும் தொடா்ந்து நடைபெறுகிறது.