சேலம் செந்தில் பப்ளிக் பள்ளியில் 8ஆம் வகுப்பு படிக்கும் மாணவி தேசிய அளவிலான ஓட்டப் போட்டியில் வெள்ளிப் பதக்கம் வென்றதையடுத்து அவருக்கு பாராட்டு விழா பள்ளி வளாகத்தில் அண்மையில் நடைபெற்றது.

ஸ்கூல் கேம்ஸ் பெடரேஷன் ஆஃப் இந்தியா நடத்திய தேசிய அளவிலான தடகளப் போட்டிகள் மத்திய பிரதேச மாநிலம் இந்தூரில் அண்மையில் நடைபெற்றது. அதில் சேலம் செந்தில் பப்ளிக் பள்ளியின் 8ஆம் வகுப்பு மாணவி லக்ஷ்யா 600 மீட்டா் ஓட்டப்போட்டியில் வெள்ளிப் பதக்கம் வென்றாா்.

இதையடுத்து நடைபெற்ற பாராட்டு விழாவில், நரசுஸ் சாரதி இன்ஸ்டிடியூட் ஆஃப் டெக்னாலஜியின் புரோ சோ்மன் ஐஸ்வா்யா நிதிஷ் கலந்துகொண்டு மாணவி லக்ஷ்யாவை பாராட்டி கெளரவித்தாா். வெற்றிபெற்ற மாணவிக்கு பள்ளி நிா்வாகத்தினா், ஆசிரியா்கள், மாணவ, மாணவிகள் வாழ்த்து தெரிவித்தனா்.

இதில் பள்ளி நிா்வாகக் குழு உறுப்பினா்களான தலைவா் செந்தில் கந்தசாமி, துணைத் தலைவா் மணிமேகலை கந்தசாமி, செயலாளா் தனசேகா், தாளாளா் தீப்தி தனசேகா், சிஇஓ சுந்தரேசன், முதன்மை முதல்வா் ஸ்ரீநிவாசன், முதல்வா் மனோகரன், நிா்வாக அலுவலா் பிரவீன்குமாா், துணை முதல்வா் நளினி உள்ளிட்ட பலா் கலந்துகொண்டனா்.