ஆத்தூரில் தொழிலாளி மா்மமான முறையில் இறந்தது குறித்து போலீஸாா் விசாரணை நடத்தி வருகின்றனா்.

சேலம் மாவட்டம், ஆத்தூரை அடுத்த கல்லாநத்தம் பகுதியைச் சோ்ந்த தனபால் மகன் சசிகுமாா் (42). இவருக்கு சரிதா (40) என்ற மனைவியும், இரண்டு மகள்களும் உள்ளனா். இவரது மனைவி சரிதா ஓமலூா் பகுதியில் வன அதிகாரியாக பணிபுரிந்து வருகிறாா். தம்பதி இடையே தகராறு ஏற்பட்டுள்ளதால் தந்தை ஒரு மகளையும், தாய் ஒரு மகளையும் பராமரித்து வருகின்றனா்.

சசிகுமாா் குடிநீா் சுத்திகரிப்பு இயந்திரப் பராமரிப்பு வேலை செய்து வந்தாா். இவரது பராமரிப்பில் உள்ள மகள் விடுதியில் தங்கி பள்ளியில் பயின்று வருகிறாா்.

இந்நிலையில் சனிக்கிழமை காலை வேலு என்பவா் சசிகுமாரை பாா்க்க அவரது வீட்டிற்கு சென்றபோது அங்கு அவா் இறந்து கிடந்துள்ளாா். இதுகுறித்து ஆத்தூா் நகர காவல் நிலையம் மற்றும் சசிகுமாரின் தந்தைக்கு தகவல் அளித்தாா். அவரது தந்தை தனபால், சசிகுமாரின் உடலை தனது வீட்டிற்கு எடுத்துச் சென்றாா்.

தகவல் அறிந்த சசிகுமாரின் மனைவி சரிதா ஆத்தூா் நகர காவல் நிலையத்தில் தனது கணவரின் இறப்பில் சந்தேகம் உள்ளதாக தெரிவித்தாா். இதையடுத்து சசிகுமாரின் உடலைக் கைப்பற்றி ஆத்தூா் அரசு மருத்துவமனைக்கு பிரேதப் பரிசோதனைக்காக போலீஸாா் அனுப்பி வைத்தனா். பிரேதப் பரிசோதனைக்கு பிறகே சசிகுமாரின் இறப்பில் உள்ள மா்மம் தெரியவரும் என்று போலீஸாா் தெரிவித்தனா்.