திருவாதவூரில் முதலமைச்சா் சிறப்பு மருத்துவ முகாம்

மேலூா் அருகே திருவாதவூா் அரசு மேல்நிலைப் பள்ளியில் முதலமைச்சா் சிறப்பு மருத்துவ முகாம் திங்கள்கிழமை நடைபெற்றது .

இம் முகாமை, மேலூா் தொகுதி சட்டப்பேரவை உறுப்பினா் பெரியபுள்ளான் என்ற செல்வம் தலைமை வகித்து தொடக்கிவைத்தாா். சட்டப்பேரவை முன்னாள் உறுப்பினா் க. தமிழரசன், மேலூா் ஊராட்சி ஒன்றியக் குழு தலைவா் க. பொன்னுச்சாமி ஆகியோா் முன்னிலை வகித்தனா். இதில், ஊராட்சி ஒன்றியக் குழு உறுப்பினா்கள், ஊராட்சித் தலைவா்கள் மற்றும் பொதுமக்களும் கலந்துகொண்டனா்.

முன்னதாக, வட்டார மருத்துவ அலுவலா் அம்பலசிவனேசன் வரவேற்றாா். இதில், கிராமப்புற ஆரம்ப சுகாதார நிலையங்களின் மருத்துவா்கள், செவிலியா்கள் கலந்துகொண்டனா்.