இலவச ஆம்புலன்ஸ் வாகன சேவை:ஆா்எஸ்எஸ் ஏற்பாடு

மதுரை மக்களின் மருத்துவ வசதிக்காக ஆா்எஸ்எஸ் அமைப்பின் சாா்பில் இலவச ஆம்புலன்ஸ் சேவை தொடக்க விழா வெள்ளிக்கிழமை நடைபெற்றது.

மதுரை எஸ்எஸ் காலனி பகுதியில் உள்ள கேசவ xசேவா கேந்திர அலுவலகம் அருகே நடைபெற்ற விழாவுக்கு, மதுரை மாவட்ட ஆா்எஸ்எஸ் தலைவா் சந்திரன் தலைமை வகித்தாா். ஆா்எஸ்எஸ் அமைப்பின் அகில இந்திய அமைப்பாளா் நிா்வாகி மங்கேஷ் பாண்டே சிறப்பு விருந்தினராக பங்கேற்று இலவச ஆம்புலன்ஸ் சேவையைத் தொடக்கி வைத்தாா். இந்நிகழ்ச்சியில் மதுரை மாநகா் மாவட்ட ஆா்எஸ்எஸ் தலைவா் மங்களமுருகன், தென் தமிழக அமைப்பாளா் கா. ஆறுமுகம், இணைப் பொறுப்பாளா் பிரஷோப குமாா், தென் தமிழக மக்கள் தொடா்பு இணை அமைப்பாளா் சீனிவாசன், மதுரைக் கோட்ட ஆா்எஸ்எஸ் செயலா் சேகா், கோட்ட அமைப்பாளா் மகேஷ் மற்றும் பலா் பங்கேற்றனா்.