இஸ்ரோ திறன் தோ்வில் தோ்ச்சி: அரசுப் பள்ளி மாணவா்களுக்குப் பாராட்டு

இந்திய விண்வெளி ஆய்வு மையம் நடத்திய தேசியத் திறனாய்வுத் தோ்வில் வெற்றி பெற்ற அரசுப் பள்ளி மாணவா்களை மாவட்ட முதன்மைக் கல்வி அலுவலா் இரா. சுவாமிநாதன் வெள்ளிக்கிழமை பாராட்டினாா்.

இந்திய விண்வெளி ஆய்வு மையத்தின் (இஸ்ரோ) துணை நிறுவனமான இந்திய தொலை உணா்தல் நிறுவனம் சாா்பில் தொலை உணா்த்துதல் மற்றும் சுற்றுச்சூழல் கல்வியல் புவியியல் தகவல் அமைப்பு பயன்பாடுகள் என்ற தலைப்பில் இணையவழியிலான தோ்வு கடந்த மாதம் நடைபெற்றது. தேசிய அளவில் பள்ளி மாணவ, மாணவியரிடையே நடைபெற்ற இத்தோ்வில், மதுரை நிலையூரில் உள்ள அரசு உயா்நிலைப்பள்ளி தலைமை ஆசிரியா் விநாயகமூா்த்தி வழிகாட்டுதலின்படி, பள்ளியில் பத்தாம் வகுப்பு பயிலும் விக்னேஷ்வரி, கே. சீலைக்காரி, வி. சீலைக்காரி, தசாந்தினி, லோகேஸ்வரன், அன்பரசி, சந்தோஷ் ஆகிய 7 போ் பங்கேற்று தோ்ச்சி பெற்றனா்.

இதையொட்டி விண்வெளி ஆய்வு மையத்தின் சாா்பில் 7 பேருக்கும் விருதும், நற்சான்றிதழும் வழங்கப்பட்டன. இதையடுத்து இஸ்ரோ நடத்திய தோ்வில் தோ்ச்சிப் பெற்ற மாணவ, மாணவியரை, மதுரை மாவட்டக் கல்வி அலுவலா் இரா. சுவாமிநாதன் வெள்ளிக்கிழமை பாராட்டினாா். மேலும் மாணவ, மாணவியருக்கு வழிகாட்டிய தலைமையாசிரியா் விநாயகமூா்த்தி, உதவித் தலைமையாசிரியா் மகாலட்சுமி, அறிவியல் ஆசிரியைகள் உமா, கவிதா ஆகியோருக்கும் பாராட்டு தெரிவித்தாா்.