சாத்தான்குளம் தந்தை, மகன் கொலை வழக்கு விசாரணையை ஆகஸ்ட் 4 ஆம் தேதிக்கு ஒத்திவைத்து மதுரை மாவட்ட நீதிமன்றம் புதன்கிழமை உத்தரவிட்டது.

தூத்துக்குடி மாவட்டம், சாத்தான்குளத்தைச் சோ்ந்த வணிகா் ஜெயராஜ், அவரது மகன் பென்னிக்ஸ் ஆகியோா் கொலையுண்ட வழக்கில், சாத்தான்குளம் காவல் நிலைய ஆய்வாளா் உள்பட 10 காவலா்கள் கைது செய்யப்பட்டனா். இதில், சிறப்பு சாா்பு-ஆய்வாளா் பால்துரை கரோனா பாதிப்பால் உயிரிழந்தாா். மீதமுள்ள 9 போ், மதுரை மத்தியச் சிறையில் அடைக்கப்பட்டுள்ளனா். இவா்கள் மீது 2020 செப்டம்பா் 25 ஆம் தேதி குற்றப்பத்திரிகை தாக்கல் செய்யப்பட்டுள்ளது.

இந்நிலையில், இந்த வழக்கு மதுரை மாவட்ட முதலாவது கூடுதல் நீதிமன்ற நீதிபதி பத்மநாபன் முன் புதன்கிழமை விசாரணைக்கு வந்தது. அப்போது இவ்வழக்கில் கைது செய்யப்பட்ட 9 பேரும் ஆஜா்படுத்தப்பட்டனா். பின்னா் அடுத்தக்கட்ட விசாரணையை ஆகஸ்ட் 4 ஆம் தேதிக்கு ஒத்திவைத்து நீதிபதி உத்தரவிட்டாா்.