மதுரையில் வெள்ளியில் தங்க முலாம் பூசப்பட்ட பட்டாசு விற்பனைக்கு வந்துள்ளது.

போஸ்டர் முதல் பொறிகடலை வரை அனைத்திலும் மதுரைக்காரங்க வித்யாசம் காட்டுவதில் கெட்டிக்காரங்க. இந்தநிலையில் தீபாவளியை முன்னிட்டு பட்டாசிலும் வித்யாசம் காட்டியுள்ளனர்.  தீபாவளி பண்டிகை வருவதையொட்டி ஜவுளி வியாபாரம் முதல் நகை வியாபாரம் வரை விற்பனை சூடு பிடித்துள்ளது.

அதே போல் தீபாவளிக்கு வெடிக்கும் பட்டாசு விற்பனையும் தீவிரம் அடைந்துள்ளது. ஆண்டுதோறும் வெவ்வேறு வகையான புதிய வகை பட்டாசுகள் சந்தைக்கு வருவது வாடிக்கையானது. இந்நிலையில் மதுரையில் வெள்ளியில் தங்க முலாம் பூசப்பட்ட பட்டாசு ஒன்று விற்பனைக்கு வந்தது ஆச்சரியத்தை ஏற்படுத்தியதோடு வரவேற்பையும் பெற்றுள்ளது.

மதுரையில் பரபரப்பாக காட்சியளிக்கும் தெற்கு ஆவணி மூலவீதியில் உள்ள நகைக்கடை ஒன்றில் தங்கம் மூலம் பூசப்பட்ட வெள்ளி பட்டாசு வகைகள் காட்சிக்காகவும் விற்பனைக்காகவும் வைக்கப்பட்டுள்ளது.  இந்த தயாரிப்பை பலரும் ஆச்சரியத்துடன் பார்த்து செல்கின்றனர்.