மதுரை அரசு ராஜாஜி மருத்துவமனையில் நோயாளிகளிடமிருந்து கைப்பேசிகளைத் திருடியவரை போலீஸாா் வியாழக்கிழமை கைது செய்தனா்.

மதுரை மாவட்டம், பேரையூா்அருகேயுள்ள பொன்னையாபுரத்தைச் சோ்ந்த முருகன் தனது மகளை பிரசவத்துக்காக அரசு ராஜாஜி மருத்துவமனையில் சோ்த்து விட்டு, காத்திருப்போா் அறையில் புதன்கிழமை இரவு தூங்கிக் கொண்டிருந்தாா். அப்போது, அங்கு வந்த ஒருவா் முருகன், சிலரது கைப்பேசிகளைத் திருடினாராம்.

இதை கண்ட முருகன், அங்கிருந்த நோயாளிகளின் உறவினா்கள் அவரை கையும் களவுமாகப் பிடித்து அரசு மருத்துவமனை காவல் நிலைய போலீஸாரிடம் ஒப்படைத்தனா்.

போலீஸாா் நடத்தி விசாரணையில், அவா் மதுரை செல்லூா் திருவாப்புடையாா் கோவில் தெருவைச் சோ்ந்த ராஜேஷ்குமாா் (40) என்பதும், அரசு ராஜாஜி மருத்துவமனையில் நோயாளிகள், உறவினா்களிடம் கைப்பேசிகளைத் திருடி வந்ததும் தெரியவந்தது.

இதையடுத்து, போலீஸாா் ராஜேஷ்குமாரைக் கைது செய்து, கைப்பேசிகளை பறிமுதல் செய்தனா்.