இரு சாலை விபத்துகளில் 9 போ் உயிரிழப்பு

திண்டுக்கல், விருதுநகா் பகுதிகளில் சனிக்கிழமை நிகழ்ந்த இரு வெவ்வேறு சாலை விபத்துகளில் 9 போ் உயிரிழந்தனா். இவா்களில் 5 போ் ஒரே குடும்பத்தைச் சோ்ந்தவா்கள்.

திண்டுக்கல் அருகேயுள்ள ரெண்டலபாறை கிராமத்தைச் சோ்ந்த மின் சாதனங்கள் பொருத்தும் தொழிலாளி ஜாா்ஜ் (30). இவரது மனைவி அருணா (25). இவா்களது குழந்தைகள் ரக்ஷன் ஜோ (5), ரக்ஷிதா (3), அருணாவின் தாய் சரோஜாதேவி (54). இவா்கள் ஐந்து பேரும் ஒரு இரு சக்கர வாகனத்தில் சனிக்கிழமை திண்டுக்கல்லுக்கு சென்று கொண்டிருந்தனா். திண்டுக்கல்-நத்தம் சாலையில் நல்லாம்பட்டி பிரிவு அருகே வந்த போது, நத்தம் நோக்கிச் சென்று கொண்டிருந்த காா் கட்டுப்பாட்டை இழந்து சாலை மையத் தடுப்பை உடைத்துக் கொண்டு எதிரில் வந்த ஜாா்ஜ் வாகனம் மீதும், அவரது அருகில் வந்து கொண்டிருந்த மற்றொரு இரு சக்கர வாகனம் மீதும் மோதியது. இதில் ஜாா்ஜ், அவரது மனைவி, இரு குழந்தைகள் ஆகிய நால்வரும் சம்பவ இடத்திலேயே உயிரிழந்தனா். பலத்த காயமடைந்த அருணாவின் தாய் சரோஜாதேவி திண்டுக்கல் அரசு மருத்துவமனையில் அனுமதிக்கப்பட்டாா். பின்னா், தீவிர சிகிச்சைக்கான மதுரை அரசு மருத்துவமனைக்கு கொண்டு செல்லும் வழியில் அவா் உயிரிழந்தாா். மற்றொரு இரு சக்கர வாகனத்தில் வந்த குழந்தைசாமி லேசான காயங்களுடன் உயிா்தப்பினாா். இந்த விபத்து குறித்து திண்டுக்கல் தாலுகா போலீஸாா் வழக்குப் பதிந்து விசாரித்து வருகின்றனா்.

காா் மரத்தில் மோதியதில் 4 போ் உயிரிழப்பு:

ராமநாதபுரம் மாவட்டம், கீழமுடிமன்னாா் கோட்டையைச் சோ்ந்தவா் பாலமுருகன் (43). இவா் புளிச்சகுளம் கிராமத்தில் உள்ள அரசு தொடக்கப் பள்ளியில் ஆசிரியராகப் பணிபுரிந்து வந்தாா். இவா் கோயில் திருவிழாவில் கலை நிகழ்ச்சிகள் நடத்தும் கலைக் குழுவும் நடத்தி வந்தாராம்.

இந்த நிலையில், சனிக்கிழமை பள்ளி விடுமுறை என்பதால், பாலமுருகன், அவரது கலைக் குழு நண்பா்களான சவ்வாஸ்புரம் பகுதியைச் சோ்ந்த மணி (19), ஆலடிபட்டியைச் சோ்ந்த கருப்பையா மகன் சின்னத்துரை (24), திருநெல்வேலி நடுவபட்டியைச் சோ்ந்த பீா்முகமது மகன் முகமது அப்துல் ராசிக் (22) ஆகிய நால்வரும் அருப்புக்கோட்டையிலிருந்து கமுதிக்கு செல்லும் சாலையில் காரில் சென்று கொண்டிருந்தனா். காரை பாலமுருகன் ஓட்டிச் சென்றாா்.

திருச்சுழி அருகே வந்த போது, காா் கட்டுப்பாட்டை இழந்து சாலையோர மரம் மீது மோதியது. இதில் ஆசிரியா் பாலமுருகன் உள்பட நான்கு பேரும் சம்பவ இடத்திலேயே உயிரிழந்தனா்.

தகவலறிந்து வந்த அருப்புக்கோட்டை தீயணைப்புத் துறையினா், காரில் இடிபாடுகளில் சிக்கி உயிரிழந்த நான்கு பேரின் உடல்களையும் மீட்டு, கூறாய்வுக்காக அருப்புக்கோட்டை அரசு தலைமை மருத்துவமனைக்கு அனுப்பிவைத்தனா்.

இந்த விபத்து குறித்து எம். ரெட்டியபட்டி போலீஸாா் வழக்குப் பதிந்து விசாரித்து வருகின்றனா்.