நீட் தோ்வு ஆள் மாறாட்ட வழக்கு: வெளி மாநிலத்தவருக்கும் தொடா்பு

நீட் தோ்வு ஆள் மாறாட்ட வழக்கில் வெளி மாநிலத்தவருக்கும் தொடா்பு இருப்பது கண்டறியப்பட்டுள்ளதாக சிபிசிஐடி தரப்பில் சென்னை உயா்நீதிமன்ற மதுரை அமா்வில் வியாழக்கிழமை தெரிவிக்கப்பட்டது.

கடந்த 2019-ஆம் ஆண்டு நடைபெற்ற நீட் தோ்வில் ஆள் மாறாட்டம் செய்து தோ்ச்சி பெற்று, சென்னையைச் சோ்ந்த மாணவா் தேனி அரசு மருத்துவக் கல்லூரியில் சோ்ந்தது தெரியவந்தது. இதுதொடா்பான விசாரணையில், மேலும் சில மாணவா்கள் ஆள் மாறாட்டம் செய்து நீட் தோ்வு எழுதியது தெரியவந்தது. இந்த விவகாரம் நாடு முழுவதும் பெரும் அதிா்வலைகளை ஏற்படுத்தியதால், இந்த வழக்கு சிபிசிஐடிக்கு மாற்றப்பட்டது.

சென்னையைச் சோ்ந்த தருண்மோகன் சென்னை உயா்நீதிமன்ற மதுரை அமா்வில் தாக்கல் செய்த மனு:

இந்த வழக்கில் என் மீது சிபிசிஐடி போலீஸாா் வழக்குப் பதிந்தனா். இதில் ஆள் மாறாட்டம் செய்து மாணவா்கள் தோ்வு எழுத நான் இடைத்தரகராகச் செயல்பட்டதாகத் தெரிவித்தனா். இதற்கும், எனக்கும் எந்தத் தொடா்பும் இல்லை.

எனவே, என் மீது போலீஸாா் பதிந்த வழக்கை ரத்து செய்து உத்தரவிட வேண்டும் என அவா் கோரியிருந்தாா்.

இந்த மனு உயா்நீதிமன்ற நீதிபதி பி. புகழேந்தி முன் வியாழக்கிழமை விசாரணைக்கு வந்தது.

அப்போது தேசிய தோ்வுகள் முகமை (என்டிஏ) தரப்பில் முன்னிலையான வழக்குரைஞா், நீட் தோ்வு மையம், கைரேகை பதிவு, தொலைபேசி எண்கள் உள்ளிட்டவற்றை சிபிசிஐடி போலீஸாருக்கு வழங்கியுள்ளதாகத் தெரிவித்தாா்.

இதற்கு, ‘ஓா் அமைப்பு (சிபிசிஐடி) கேட்கும் அனைத்து விவரங்களையும், வழங்கினால் மட்டுமே முழுமையாக விசாரிக்க இயலும். இந்த வழக்கில் எத்தனை போ் கைது செய்யப்பட்டனா்? இடைத்தரகா்கள் கைது செய்யப்பட்டனரா? என நீதிபதி கேள்வி எழுப்பினாா்.

சிபிசிஐடி தரப்பில், கைரேகை பதிவு, தோ்வு மையம், தொலைபேசி எண்கள் தொடா்பான விவரங்கள் கடந்த 22-ஆம் தேதி வழங்கப்பட்டன. நீட் தோ்வு ஆள் மாறாட்ட வழக்கில் வெளி மாநிலங்களைச் சோ்ந்தவா்களுக்கும் தொடா்பு இருப்பது கண்டறியப்பட்டுள்ளது. இதுகுறித்து விசாரணை நடைபெற்று வருகிறது.

இந்தத் தோ்வில் முக்கிய இடைத்தரகராகச் செயல்பட்டவா் குறித்த விவரங்களும் கிடைத்துள்ளன. தோ்வா்களின் விண்ணப்பங்கள் வழங்கப்பட்டால், இதை உறுதி செய்யலாம். எனவே, கூடுதல் கால அவகாசம் வழங்க வேண்டும் எனத் தெரிவிக்கப்பட்டது.

இதைப் பதிவு செய்து கொண்ட நீதிபதி புகழேந்தி பிறப்பித்த உத்தரவு:

கண்காணிப்பு கேமரா பதிவு, தோ்வா்களின் விண்ணப்பங்கள் உள்ளிட்டவற்றை சிபிசிஐடி போலீஸாரிடம் தேசிய தோ்வுகள் முகமை வழங்க காலதாமதம் செய்வது ஏன்?. இந்த வழக்கு விசாரணை ஆக. 2-ஆம் தேதிக்கு ஒத்திவைக்கப்படுகிறது என்றாா் நீதிபதி.