திருவாப்புடையாா் கோயிலுக்குச் சொந்தமான 9 ஏக்கா் நிலம் மீட்பு

மதுரை: மதுரை திருவாப்புடையாா் கோயிலுக்குச் சொந்தமான 9 ஏக்கா் நிலம் ஆக்கிரமிப்பில் இருந்து மீட்கப்பட்டு, திருக்கோயில் நிா்வாகத்தின் கீழ் கொண்டு வரப்பட்டது. மதுரை பாலம் ஸ்டேசன் சாலையில் புகழ் பெற்ற திருவாப்புடையாா் கோயில் உள்ளது.

சிவத் தலமான இந்தக் கோயிலில் பிரதோஷம், சிவராத்திரி வழிபாடு மிகவும் விசேஷம். மீனாட்சி சுந்தரேசுவரா் கோயிலின் துணைக் கோயிலான இந்தக் கோயிலுக்குச் சொந்தமான 9 ஏக்கா் நிலம் பல ஆண்டுகளாக ஆக்கிரமிப்பில் இருந்து வந்தது. மேலும், இந்த நிலத்தில் 400-க்கும் மேற்பட்ட வீடுகள் கட்டப்பட்டிருந்தன. இந்த நிலையில், கோயிலுக்குச் சொந்தமான நிலங்களை மீட்டு, அதை இந்து சமய அறநிலையத் துறை அல்லது கோயில் நிா்வாகத்தின் கீழ் கொண்டு வர அதிகாரிகள் உத்தரவிட்டனா்.

இதன் அடிப்படையில், திருவாப்புடையாா் கோயிலுக்குச் சொந்தமான ஒன்பது ஏக்கரை நிலம் கோயில் அதிகாரிகளால் அளவீடு செய்யப்பட்டு, ஆக்கிரமிப்பு அகற்றப்பட்டது. மேலும், நிலத்தில் கட்டியுள்ள வீடுகளுக்கு வாடகை நிா்ணயம் செய்யும் பணி செவ்வாய்க்கிழமை தொடங்கியது. இதில் மீனாட்சி சுந்தரேசுவரா் கோயில் இணை ஆணையா் கிருஷ்ணன், கோயில் நிலம் எடுப்பு வட்டாட்சியா் சிவக்குமாா், திருவாப்புடையாா் கோயில் மேற்பாா்வையாளா் சேகா், நில அளவையா்கள் உள்ளிட்டோா் ஈடுபட்டனா்.