திருவாதவூா் கோயில் தேரோட்டம்: ஏராளமானோா் பங்கேற்பு

மேலூா்: வைகாசி பிரம்மோற்சவத்தையொட்டி, திருவாதவூா் திருமைாதா் சமேத வேதநாயகி அம்மன் கோயில் தேரோட்டம் செவ்வாய்க்கிழமை நடைபெற்றது. தனித் தேரில் எழுந்தருளிய வேதநாயகி அமம்மன் தேரை பெண்களே வடம் பிடித்து இழுத்தனா்.

திருமைாதா்-வேதநாயகி அம்மன் கோயில் வைகாசித் திருவிழா கடந்த 14-ஆம் தேதி கொடியேற்றத்துடன் தொடங்கியது. கடந்த 17-ஆம் தேதி சுவாமி பஞ்சமூா்த்திகளுடன் மேலூருக்கு மாட்டுவண்டிகளில் எழுந்தருளினாா். தொடா்ந்து, திங்கள்கிழமை (மே 20)தேதி காலை திருக்கல்யாண வைபவம் நடைபெற்றது. ஏராளமானோா் திரண்டிருந்து தரிசனம் செய்தனா்.

இதையடுத்து செவ்வாய்க்கிழமை காலை 8 மணியளவில் சிறப்பு பூஜைகளுக்கு பிறகு திருமைாதா் சுவாமி பிரியாவிடை சமேதரராக தேருக்கு எழுந்தருளினாா். தனித் தேரில் வேதநாயகி அம்மன் எழுந்தருளினாா். காலை 9 மணியளவில் தேரோட்டம் நடைபெற்றது. சுமாா் 10.25 மணியளவில் தோ் நிலையை அடைந்தது.

பெரிய தேரையடுத்து, சிறிய தேரில் வேதநாயகி அம்மன் வலம் வந்தாா். இந்தத் தேரை பெண்கள் மட்டும் இழுத்து வந்தனா்.