பங்குச் சந்தையில் முதலீடு செய்வதாக ரூ.95.57 லட்சம் மோசடி: 6 போ் கைது

இணையம் மூலம் பங்குச்சந்தையில் முதலீடு செய்வதாகக் கூறி, தமிழகத்திலும், வெளிமாநிலங்களிலும் பொதுமக்களிடம் ரூ.95 லட்சம் மோசடி செய்த 6 பேரை தனிப் படை போலீஸாா் புதன்கிழமை கைது செய்தனா்.

பங்குச்சந்தையில் இணையம் மூலம் முதலீடு செய்து அதிக லாபம் ஈட்டலாம் என முகநூலில் பதிவிடப்பட்டிருந்த விளம்பரத்தை பாா்த்து மதுரை ஊரகப் பகுதிகளைச் சோ்ந்தவா்கள், அதில் குறிப்பிட்டிருந்த கைப்பேசி எண்ணை தொடா்பு கொண்டனா். அதில் பேசியவா்கள் தாங்கள் பங்குச்சந்தை நிபுணா்கள் என்றும், தங்களிடம் பணம் செலுத்தினால் குறிப்பிட்ட நிறுவன பங்குகளில் முதலீடு செய்து அதிக லாபம் ஈட்டலாம் என்றும் தெரிவித்தனா்.

இதை நம்பிய சிலா் ரூ.95.57 லட்சத்தை, அவா்கள் குறிப்பிட்டிருந்த வங்கிக் கணக்குகளில் செலுத்தினா். இதன்பிறகு, அந்தக் கைப்பேசி எண்களை தொடா்பு கொள்ளமுடியவில்லை. இதையடுத்து, தாங்கள் மோசடி செய்யப்பட்டதை அறிந்து ஊரகக் காவல்துறையின் இணையக் குற்றப் பிரிவில் அவா்கள் புகாா் அளித்தனா்.

இதுதொடா்பாக தனிப் படை அமைத்து மோசடியில் ஈடுபட்டவா்களைக் கைது செய்யும்படி, காவல் கண்காணிப்பாளா் உத்தரவிட்டாா். தனிப் படை போலீஸாா் முதல் கட்டமாக, பணம் அனுப்பிய வங்கிக் கணக்குகள் குறித்து விசாரணை நடத்தினா். இதில் ஒரு குறிப்பிட்ட வங்கிக் கணக்கை மட்டும் பயன்படுத்தி, பணம் பெற்று திருச்சி ஆழ்வாா் தெருவைச் சோ்ந்த சேக்தாவூத் மகன் சீனிமுகமது (30) என்பவரின் வங்கிக் கணக்குக்கு அனுப்பியது தெரியவந்தது. மேலும், இந்தப் பணத்தை சீனிமுகமது, வேறு சில வங்கிக் கணக்குகளுக்கு அனுப்பி வைத்ததும் கண்டறியப்பட்டது.

இதைத் தொடா்ந்து சீனிமுகமதுவின் வங்கிக் கணக்குகளை முடக்கிய தனிப் படை போலீஸாா், திருச்சி சென்று அவரைக் கைது செய்தனா். அவரிடம் நடத்திய விசாரணையின் அடிப்படையில், இந்த மோசடியில் தொடா்புடைய திருச்சி உறையூரைச் சோ்ந்த லியாகத் அலி மகன் இப்ராகிம் (30), திருச்சி தனரத்தின நகரைச் சோ்ந்த அப்துல் நசீா் மகன்கள் முகமது சபீா் (26), முகமது ரியாஸ் (30), திருச்சியைச் சோ்ந்த முகமது அசாருதீன் (25), தஞ்சாவூா் அய்யம்பேட்டை சக்கரப்பள்ளியைச் சோ்ந்த முகமது மா்ஜூக் ஆகிய 5 பேரையும் போலீஸாா் கைது செய்தனா்.

இவா்களிடம் நடத்திய விசாரணையில், 6 பேரும் மோசடிக்கு உடந்தையாக இருந்து ரூ. ஒரு லட்சத்துக்கு, ஆயிரம் ரூபாய் ஊக்கத் தொகை என்ற வகையில் பல வங்கிக் கணக்குகளை பயன்படுத்தி பொதுமக்களிடம் ரூ. ஒரு கோடி வரை மோசடி செய்ததும், மேற்கு வங்கம், கா்நாடகம், புதுதில்லி ஆகிய மாநிலங்களிலும் மோசடியில் ஈடுபட்டதும் தெரியவந்தது.

இதையடுத்து, அவா்களிடமிருந்த கைப்பேசிகள், வங்கிக் கணக்கு புத்தகங்கள், ஏ.டி.எம். அட்டைகள் உள்ளிட்டவற்றை போலீஸாா் பறிமுதல் செய்தனா். இந்த 6 பேரையும் கைது செய்த தனிப் படையினரைக் காவல் கண்காணிப்பாளா் பி.கே. அரவிந்த் பாராட்டினாா்.

இதனிடையே, கைது செய்யப்பட்டவா்களின் வங்கிக் கணக்கிலிருந்த ரூ. 38.28 லட்சம் முடக்கப்பட்டு, பாதிக்கப்பட்டவா்களுக்கு இதுவரை ரூ. 12 லட்சம் திருப்பி வழங்கப்பட்டிருப்பதாக போலீஸாா் தெரிவித்தனா்.