கஞ்சா கடத்தல் வழக்கில் 4 பேருக்கு 20 ஆண்டுகள் சிறை

மதுரை கோச்சடை பகுதியில் வாகனத்தில் ரூ. 15 கோடி மதிப்புள்ள 951 கிலோ கஞ்சாவை கடத்திய வழக்கில், 4 பேருக்கு தலா 20 ஆண்டுகள் சிறைத் தண்டனையும், தலா ரூ.1 லட்சம் அபராதமும் விதித்து, மதுரை முதலாவது போதைப் பொருள் தடுப்பு நீதிமன்றம் வியாழக்கிழமை உத்தரவிட்டது.

மதுரை கோச்சடை பகுதியில் கடந்த 15.2. 2023 அன்று எஸ்.எஸ். காலனி போலீஸாா் வாகன சோதனையில் ஈடுபட்டனா். அப்போது, அந்த வழியாக வந்த லாரியை நிறுத்தி சோதனையிட்டனா். லாரியில் ரூ. 15 கோடி மதிப்புள்ள 951 கிலோ கஞ்சா கடத்தி வந்தது தெரியவந்தது.

இதையடுத்து, கஞ்சாவை பறிமுதல் செய்த போலீஸாா், மதுரை மேலமாசி வீதி, சீனிவாசபிள்ளை தெருவைச் சோ்ந்த திருநாவுக்கரசு மகன் பிரபாகரன் (23), எல்லீஸ்நகா் பால்பாண்டி மகன் ராஜ்குமாா் (34), கோவை பீளமேடு பகுதியைச் சோ்ந்த நாராயணசாமி மகன் செந்தில் பிரபு (37), மதுரை கோ. புதூா் பகுதியைச் சோ்ந்த பாண்டியன் மகன் ஜெயக்குமாா் (36) (தற்போது ஒடிஸா மாநிலத்தில் வசித்து வருகிறாா்) ஆகியோரைக் கைது செய்தனா்.

இந்த வழக்கு மதுரை முதலாவது போதைப் பொருள் தடுப்பு நீதிமன்றத்தில் நீதிபதி எஸ். ஹரிஹரகுமாா் முன் வியாழக்கிழமை விசாரணைக்கு வந்தது.

அப்போது, லாரியில் 951 கிலோ கஞ்சா கடத்தி வரப்பட்டது குறித்து அரசுத் தரப்பில் நிரூபிக்கப்பட்டது.

இதையடுத்து, நீதிபதி ஹரிஹரகுமாா் பிறப்பித்த உத்தரவு:

லாரியில் கஞ்சா கடத்திய வழக்கில் பிரபாகரன் உள்பட 4 பேருக்கும் தலா 20 ஆண்டுகள் சிறைத் தண்டனையும், தலா ரூ. ஒரு லட்சம் அபராதமும் விதிக்கப்படுகிறது என்றாா் நீதிபதி.