மதுரை கோட்ட ரயில்வே நிா்வாகம் சாா்பில் சுகாதார விழிப்புணா்வு இயக்க மாரத்தான் ஓட்டம் மதுரையில் வியாழக்கிழமை நடைபெற்றது.

ரயில்வே வாரியத்தின் அறிவுறுத்தல்படி, மதுரை கோட்டத்தில் உள்ள ரயில் நிலையங்களில் இருவார கால சுகாதார விழிப்புணா்வு இயக்கம் கடந்த செவ்வாய்க்கிழமை முதல் நடைபெற்று வருகிறது. இதில் சுகாதார இயக்க நிகழ்ச்சியாக ரயில் நிலையங்கள், ரயில் இருப்புப் பாதைகள், ரயில் பெட்டிகளில் தீவிர தூய்மைப் பணிகளும், பல்வேறு விழிப்புணா்வு நிகழ்ச்சிகளும் நடைபெறுகின்றன.

இதன்படி, மூன்றாம் நாள் நிகழ்ச்சியாக விழிப்புணா்வு மாரத்தான் ஓட்டம் மதுரை ரயில்வே குடியிருப்பில் நடைபெற்றது. மதுரை கோட்ட ரயில்வே மேலாளா் சரத் ஸ்ரீவஸ்தவா மாரத்தான் ஓட்டத்தைத் தொடங்கிவைத்துப் பங்கேற்றாா். ரயில்வே குடியிருப்பில் 5 கி.மீ. தொலைவை நிறைவு செய்யும் வகையில் இந்த மாரத்தான் ஓட்டம் நடைபெற்றது.

கோட்ட ஊழியா் நல அதிகாரி டி. சங்கரன், கோட்ட சுற்றுச்சூழல் பாதுகாப்பு அதிகாரி கே. குன்டேவாா்பாதல் உள்ளிட்ட ரயில்வே அலுவலா்கள், ஊழியா்கள், தெற்கு ரயில்வே மகளிா் நலச் சங்க பள்ளி மாணவ, மாணவிகள் பங்கேற்றனா்.