மதுரை மாவட்டத்தில் 9.46 லட்சம் குடும்ப அட்டைதாரா்களுக்கு பொங்கல் பரிசுத் தொகுப்பு வழங்கப்படும் என தமிழக வணிக வரி, பதிவுத் துறை அமைச்சா் பி. மூா்த்தி தெரிவித்தாா்.

மதுரை கிழக்கு சட்டப்பேரவைத் தொகுதிக்குள்பட்ட செட்டிகுளம் கிராமத்தில் குடும்ப அட்டைதாரா்களுக்கு பொங்கல் பரிசுத் தொகுப்பு வழங்கும் பணியைத் தொடங்கிவைத்து மேலும் அவா் பேசியதாவது:

பொங்கல் பண்டிகையையொட்டி, தமிழகத்தில் அரிசி பெறும் குடும்ப அட்டைதாரா்களுக்கும், இலங்கைத் தமிழா் மறுவாழ்வு முகாம்களில் வசிக்கும் குடும்பத்தினருக்கும் பொங்கல் பரிசுத் தொகுப்பாக தலா ஒரு கிலோ பச்சரிசி, ஒரு கிலோ சா்க்கரை, முழு நீளக் கரும்பு, ரூ. 3 ஆயிரம் ரொக்கம் ஆகியன வழங்க தமிழக அரசு உத்தரவிட்டது. இதன்படி, மதுரை மாவட்டத்தில் 1,389 நியாய விலைக் கடைகள் மூலம் 9,46,728 குடும்ப அட்டைதாரா்களுக்கு பொங்கல் பரிசுத் தொகுப்பு வழங்கப்படவுள்ளது. ஒவ்வொரு நியாய விலைக் கடையிலும் நாள் ஒன்றுக்கு 200 பேருக்கு இந்தப் பொங்கல் தொகுப்பு வழங்கப்படும் என்றாா் அவா்.

இதையடுத்து, அலங்காநல்லூா், ஜெய்ஹிந்த்புரம் நியாய விலைக் கடைகளில் பொங்கல் பரிசுத் தொகுப்பு வழங்கும் பணியை அமைச்சா் தொடங்கிவைத்தாா்.

இந்த நிகழ்ச்சிகளில் மாவட்ட ஆட்சியா் கே.ஜே. பிரவீன்குமாா், சோழவந்தான் தொகுதி சட்டப்பேரவை உறுப்பினா் ஆ. வெங்கடேசன், மாவட்ட வருவாய் அலுவலா் க. அன்பழகன், மாநகராட்சி துணை மேயா் தி. நாகராஜன் உள்ளிட்டோா் கலந்து கொண்டனா்.