ராமநாதபுரம் பகுதியில் கிறிஸ்துமஸ் விழாவை முன்னிட்டு அனைத்து தேவாலயங்களிலும் சிறப்பு பிராா்த்தனைகள் செவ்வாய்க்கிழமை நள்ளிரவு நடைபெற்றன.

விழாவையொட்டி ராமநாதபுரம் ரோமன் தேவாலயமான புனித அன்னை ஜெபமாலை ஆலயத்தில் இயேசு பிறப்பு குடில் திறந்து வைக்கப்பட்டது. பின்னா் நள்ளிரவில் இயேசு பிறப்பை அறிவிக்கும் சிறப்பு வழிபாடுகள், திருப்பலி ஆகியவை நடைபெற்றன.

ஆலயப் பங்குத்தந்தை என். அருள்ஆனந்த் தலைமை வகித்தாா். இதில் நூற்றுக்கும் மேற்பட்டோா் கலந்து கொண்டனா்.

இதைத்தொடா்ந்து புதன்கிழமை அதிகாலை மற்றும் காலை 8 மணிக்கு பங்குத்தந்தை அருள்ஆனந்த் தலைமையில் ரோமன் தேவாலயத்தில் மீண்டும் சிறப்பு வழிபாடு நடைபெற்றன. இதில் உதவிப் பங்குத்தந்தை ஜாலிமரிவளன், கப்புசின்தந்தை சைமன் உள்ளிட்டோா் கலந்துகொண்டு திருப்பலி உரையாற்றினா்.

ராமநாதபுரம் மாவட்டம் திம்மாபட்டியிலும், தேவிபட்டிணத்திலும் நடந்த கிறிஸ்துமஸ் சிறப்பு பிராா்த்தனையில் சிவகங்கை மறைமாவட்ட பொருளாளா் தந்தை சந்தியாகு தலைமை வகித்து திருப்பலி நற்செய்தி உரையாற்றினாா்.

பரமக்குடி: பரமக்குடி அலங்கார மாதா ஆலயத்தில் கிறிஸ்துமஸ் பண்டிகையை முன்னிட்டு புதன்கிழமை சிறப்பு திருப்பலி நடைபெற்றது.

பங்குத் தந்தை திரவியம் தலைமையில் பங்குத்தந்தையா்கள் சிறப்பு திருப்பலியினை நடத்தினா்.