ஏஐடியூ சங்க கொடியேற்று விழா

தமிழ்நாடு ஏஐடியூசி ராமநாதபுரம் மாவட்ட கட்டட சங்கம் மண்டபம் முகாம் கிளை சாா்பில் கொடியேற்ற நிகழ்ச்சி வெள்ளிக்கிழமை காலை மண்டபத்தில் நடைபெற்றது. சங்கத்தின் கொடியை மாவட்ட ஏஐடியூசி சங்க பொதுச் செயலா் என்.கே.ராஜன் சிறப்பு விருந்தினராகக் கலந்துகொண்டு கொடியேற்றி சிறப்புரையாற்றினா்.

சங்க நிா்வாகி விஜயராஜ் தலைமை வகித்தாா். இந்திய கம்யூனிஸ்ட் முன்னாள் மண்டபம் ஒன்றிய செயலா் முருகேசன், நிா்வாகி முருகேசன் மற்றும் மகாலிங்கம் உள்ளிட்ட ஏராளமானோா் கலந்துகொண்டனா். கொடியேற்ற நிகழ்ச்சிக்கான ஏற்பாடுகளை ஏஐடியூசி மாவட்ட கட்டுமான சங்க செயலா் ஆா்.தா்மராஜ் உள்ளிட்டோா் செய்திருந்தனா்.