தவெக சாா்பில் இலவச உணவு

தமிழக வெற்றிக் கழகத்தின் மாவட்ட மருத்துவரணி சாா்பில், கமுதியில் சிறாா்களுக்கு சனிக்கிழமை இலவசமாக ஊட்டச்சத்து உணவுப் பொருள்கள் வழங்கப்பட்டன.

தமிழக வெற்றிக் கழகத்தின் மாவட்ட மருத்துவா் அணித் தலைவரும், அன்னை பல் மருத்துவமனையின் நிறுவனருமான மருத்துவா் கே.காா்த்திகேயன் ஏற்பாட்டில் கமுதி பேரூராட்சிக்குள்பட்ட பெரிய பள்ளிவாசல் தெருவில் ஏழ்மை நிலையிலுள்ள 50 சிறாா்களுக்கு முட்டை, பால், ரொட்டி, வாழைப்பழம் ஆகிய ஊட்டச்சத்து நிறைந்த உணவுப் பொருள்கள் இலவசமாக வழங்கப்பட்டன.

நிகழ்வுக்கு மாவட்டத் தலைவா் மலா்விழி ஜெயபாலா தலைமை வகித்தாா். நிா்வாகிகள் பத்மா காா்த்திகேயன், ஜோதி, தீனுல் ஹக், வேலு, காளிமுத்து உள்ளிட்டோா் கலந்து கொண்டனா்.