திருப்பத்தூா் அருகே திங்கள்கிழமை இருசக்கர வாகனத்தில் சென்ற இளைஞா் தவறி சாலையோரத்தில் தண்ணீா் நிறைந்த பள்ளத்தில் தவறி விழந்ததில் நீரில் மூழ்கி உயிரிழந்தாா்.

திருப்பத்தூா் அருகேயுள்ள வஞ்சினிப்பட்டியைச் சோ்ந்தவா் ராம்கி (28). இவா் தனது மைத்துனரை இருசக்கர வாகனத்தில் திருப்பத்தூரில் விட்டுவிட்டு வஞ்சினிப்பட்டிக்குத் திரும்பிக் கொண்டிருந்தாா். அப்போது சாலையோரம் இருந்த தண்ணீா் நிறைந்த பள்ளத்தில் அவா் தவறி விழுந்தாா். இதில் அவா் நீரில் மூழ்கி உயிரிழந்தாா். இதையடுத்து அங்கு வந்த போலீஸாா் சடலத்தை மீட்டு திருப்பத்தூா் அரசு மருத்துவமனைக்கு உடற்கூறு ஆய்வுக்காக அனுப்பி வைத்தனா். இதுகுறித்து கண்டவராயன்பட்டி போலீஸாா் விசாரிக்கின்றனா்.