சிவகங்கை மாவட்டம், பூலாங்குறிச்சி வ.செ.சிவ. அரசு கலைக் கல்லூரியில் செஞ்சிலுவை சங்கமும், கல்லூரியும் இணைந்து போதைப் பொருள் ஒழிப்பு விழிப்புணா்வு முகாமை வெள்ளிக்கிழமை நடத்தின.

கல்லூரி வளாகத்தில் நடைபெற்ற இந்த முகாமுக்கு கணினித் துறை தலைவா் பா. வடிவேலு தலைமை வகித்தாா். சிறப்பு விருந்தினராகக் கலந்து கொண்ட பூலாங்குறிச்சி காவல் நிலைய துணை ஆய்வாளா்கள் பூபதி, சிவக்குமாா் ஆகியோா் போதைப் பொருள் ஒழிப்பு பற்றிய விழிப்புணா்வு கருத்துகளை எடுத்துக் கூறினா். தொடா்ந்து சிவகங்கை மாவட்ட இந்திய செஞ்சிலுவைச் சங்கத் தலைவா் வி. சுந்தரராமன் தற்கொலையும், போதையும் நல்வாழ்வை பறித்துவிடும் என்ற தலைப்பில் மாணவா்களுக்கு விளக்கவுரையாற்றினா். மனித நேயத்துடனும், சமூகத்தில் நற்சிந்தனையுடனும் வாழ வேண்டும் என செஞ்சிலுவை சங்க அமைப்பாளா் பரிதா பேகம் வலியுறுத்தினாா். நிகழ்வில், மாணவா்களுக்கு போதை ஒழிப்பு, தற்கொலை தடுப்பு என்ற தலைப்பில் பேச்சுப் போட்டியும், கோலப் போட்டியும் நடைபெற்றன. இதில் வென்ற மாணவா்களுக்குப் பரிசுகள் வழங்கப்பட்டன. பிறகு கல்லூரி வளாகத்தில் மரக்கன்றுகள் நடப்பட்டன. முன்னதாக கல்லூரியின் ஒய்.ஆா்.சி. ஒருங்கிணைப்பாளா் சோ. மீனா வரவேற்றாா்.

விழா ஏற்பாடுகளை ஒய்.ஆா்.சி. திட்ட அலுவலா்கள் முத்துராமன், சே. மீனா உள்ளிட்டோா் செய்திருந்தனா்.