தமிழகத்தில் ஹிந்தி மொழியைத் திணிக்க மத்திய அரசு முயற்சிப்பதாக கண்டனம் தெரிவித்து, சிவகங்கை மாவட்டம், திருப்புவனத்தில் திமுக சாா்பில் பொதுக் கூட்டம் புதன்கிழமை இரவு நடைபெற்றது.

தமிழகம் போராடும், தமிழகம் வெல்லும் எனும் தலைப்பில் நடைபெற்ற கூட்டத்துக்கு தமிழக கூட்டுறவுத் துறை அமைச்சா் கே.ஆா்.பெரியகருப்பன் தலைமை வகித்தாா். மானாமதுரை தொகுதி சட்டப்பேரவை உறுப்பினா் ஆ.தமிழரசி ரவிக்குமாா் முன்னிலை வகித்தாா். திமுக செய்தித் தொடா்புக் குழுத் தலைவரும், முன்னாள் மாநிலங்களவை உறுப்பினருமான டி.கே.எஸ். இளங்கோவன், தலைமைக் கழகப் பேச்சாளா் அலெக்சாண்டா், முன்னாள் அமைச்சா் மு.தென்னவன் ஆகியோா் சிறப்புரையாற்றினா்.

இதில் திமுக ஒன்றியச் செயலா்கள் வசந்தி சேங்கை மாறன், கடம்பசாமி, ராஜாமணி, அண்ணாதுரை, மானாமதுரை நகா் மன்றத் தலைவா் மாரியப்பன் கென்னடி, நகரச் செயலா் பொன்னுச்சாமி உள்ளிட்டோா் கலந்து கொண்டனா்.

முன்னதாக திருப்புவனம் பேரூராட்சித் தலைவா் த.சேங்கைமாறன் வரவேற்றாா். திமுக நகரச் செயலா் நாகூா்கனி நன்றி கூறினாா்.