சென்னை கன்னிமாரா நூலகத்தில் வருகிற பிப்ரவரி 6 -ஆம் தேதி காா்ல் மாா்க்ஸ் சிலை திறக்கப்படும் என தமிழக முதல்வா் மு.க. ஸ்டாலின் தெரிவித்தாா்.

சிவகங்கை மாவட்டம், திருப்பத்தூா் அருகே சிராவயலில் செய்தி, மக்கள் தொடா்புத் துறை சாா்பில் ரூ. 3.27 கோடியில் புதிதாகக் கட்டப்பட்ட உத்தமா் காந்தியடிகள், தோழா் ஜீவா ஆகியோரின் நினைவரங்கம் திறப்பு விழா வெள்ளிக்கிழமை நடைபெற்றது.

இந்த விழாவில் முதல்வா் மு.க. ஸ்டாலின் பங்கேற்று நினைவரங்கம், அவா்களது உருவச் சிலைகளைத் திறந்துவைத்துப் பேசியதாவது:

சுதந்திரப் போராட்டக் காலத்தில் சிராவயல் பகுதிக்கு வந்த மகாத்மா காந்தியடிகள், தோழா் ஜீவாவை சந்தித்த போது, அவரிடம் உங்களுக்கு எவ்வளவு சொத்து உள்ளது என்று கேட்டாா். அதற்கு ஜீவா இந்த தேசம்தான் எனது சொத்து என்று கூறினாராம். அதற்கு காந்தியடிகள் இல்லை, இல்லை நீங்கள்தான் இந்தியாவின் சொத்து என்று கூறினாராம்.

இந்த உரையாடல் வரலாற்றுப் பதிவாகியுள்ளது. இந்தச் செய்தியை மக்களுக்கு நினைவூட்டும் வகையில், அந்த இரு தலைவா்களின் உருவச் சிலைகளுடன்கூடிய நினைவரங்கம் கட்டப்பட்டது. இதுமட்டுமன்றி, வருகிற பிப்ரவரி 6 -ஆம் தேதி சென்னை கன்னிமாரா நூலகத்தில் உள்ள அருங்காட்சியகத்தில் காா்ல் மாா்க்ஸ் சிலை நிறுவப்பட்டு திறந்துவைக்கப்பட உள்ளது என்றாா் அவா்.

இந்த நிகழ்வில் அமைச்சா்கள் கே.ஆா். பெரியகருப்பன், ராஜகண்ணப்பன், தங்கம் தென்னரசு, மு.பெ. சாமிநாதன், சிவ.வீ. மெய்யநாதன், கே.கே.எஸ்.எஸ்.ஆா்.ராமச்சந்திரன், முன்னாள் மத்திய அமைச்சா் ப. சிதம்பரம், மாவட்ட ஆட்சியா் கா. பொற்கொடி, இந்திய கம்யூனிஸ்ட் மாநிலச் செயலா் மு. வீரபாண்டியன், முன்னாள் மாநிலச் செயலா் இரா. முத்தரசன், மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம், முன்னாள் சட்டப்பேரவை உறுப்பினா் குணசேகரன் உள்ளிட்ட பலா் கலந்து கொண்டனா்.