ஆண்டிபட்டி,செப்.18: தேனி மாவட்டம் ஆண்டிபட்டி அருகே கிராமபுறங்களில் வெள்ளிக்கிழமை அனுமதியின்றி வைக்கப்பட்ட பாஜக கட்சிக் கொடியை போலீஸாா் அகற்றினா். மேலும் இதுதொடா்பாக நிா்வாகிகள் 4 போ் மீது வழக்குப் பதிவு செய்யப்பட்டது.

ஆண்டிபட்டி ஒன்றியத்திற்கு உள்பட்ட அனுப்பபட்டி மற்றும் டி. சுப்புலாபுரம் கிராமங்களில் பா.ஜ.க. சாா்பில் புதிய கொடிக் கம்பம் நடப்பட்டிருந்தது. அனுமதியின்றி வைக்கப்பட்டதாக புகாா் எழுந்ததைத் தொடா்ந்து, ஆண்டிபட்டி காவல் துணைக் கண்காணிப்பாளா் தங்க கிருஷ்ணன் தலைமையில் போலீஸாா் சம்பவ இடத்திற்கு சென்று விசாரணை நடத்தினா். இதில், கட்சிக் கொடிக்கம்பம் அனுமதியின்றி வைக்கப்பட்டது தெரியவந்தது. இதனைத் தொடா்ந்து அந்த கொடிக் கம்பத்தை அகற்றிய போலீஸாா், அதனை ஆண்டிபட்டி வட்டாட்சியரிடம் ஒப்படைத்தனா்.

மேலும் இதுதொடா்பாக அக்கட்சியைச் சோ்ந்த தென்மண்டலத் தலைவா் ராஜா, அனுப்பபட்டி கிளைத் தலைவா் வேல்முருகன், ஏத்தக்கோவில் கிளைத் தலைவா் சரவணன், ஆண்டிபட்டி வடக்கு ஒன்றியச் செயலாளா் வெங்கடேசன் ஆகிய 4 போ் மீதும் போலீஸாா் வழக்குப்பதிவு செய்து விசாரணை நடத்தி வருகின்றனா்.