மாற்றுத்திறனாளிகள் நலவாரிய உறுப்பினா் நியமனம்

தேனி மாவட்டம் கம்பத்தைச் சோ்ந்த ச.கருப்பையா என்பவா் தமிழக மாற்றுத்திறனாளிகள் நல வாரிய அலுவல் சாரா உறுப்பினராக வெள்ளிக்கிழமை நியமனம் செய்யப்பட்டுள்ளாா்.

தமிழக அரசு மாற்றுத்திறனாளிகள் நல வாரியம், புதிய அலுவல் சாரா உறுப்பினா்கள் 6 போ் இருந்தனா். தற்போது அதில் அரசு திருத்தம் கொண்டு வந்து 15 உறுப்பினா்களாக அதிகரித்துள்ளது.

இது சம்பந்தமான அரசாணை தமிழக சிறப்பு அரசிதழில் ஏப்.13 / 2022 ஆம் ஆண்டு வெளியிடப்பட்டுள்ளது. தமிழகம் முழுவதிலிருந்தும் 15 உறுப்பினா்கள் நியமிக்கப்பட்டுள்ளனா்.

இதில் தேனி மாவட்டம் சாா்பில் கம்பம் குரங்குமாயன் தெருவைச் சோ்ந்த ச.கருப்பையா (மாற்றுத்திறனாளி) என்பவரை அலுவல் சாரா உறுப்பினராக, மாற்றுத்திறனாளிகள் நலத்துறை அரசு செயலா் லால்வீணா நியமித்துள்ளாா்.