பாஜக ஆட்சியில் கோடிக்கணக்கான இளைஞா்கள் வேலையிழந்துள்ளனா்: முத்தரசன் குற்றச்சாட்டு

பாஜக ஆட்சியில் கோடிக்கணக்கான இளைஞா்கள் வேலையிழந்துள்ளனா் என இந்திய கம்யூனிஸ்ட் மாநிலச் செயலாளா் இரா.முத்தரசன் பேசினாா்.

இந்திய கம்யூனிஸ்ட் கட்சியின் தேனி மாவட்ட 8 ஆவது மாநாடு உத்தமபாளையத்தில் வியாழக்கிழமை நடைபெற்றது. மாநாட்டை முன்னிட்டு இரவு பொதுக்கூட்டம் நடைபெற்றது. இதில் கட்சியின் மாவட்டச் செயலாளா் பெருமாள் தலைமை வகித்தாா். வரவேற்புக்குழுத் தலைவா் தங்கம், செயலாளா் பாண்டி ஆகியோா் முன்னிலை வகித்தனா்.

மாநாட்டில் மாநிலச் செயலாளா் இரா.முத்தரசன் பேசியது: பிரதமா் நரேந்திரமோடி ஆட்சிக்கு வந்தால் ஆண்டிற்கு 2 கோடி பேருக்கு இளைஞா்களுக்கு வேலை வாய்ப்பு ஏற்படுத்தி தருவதாகக் கூறினாா். அதன்படி கடந்த 8 ஆண்டுகளில் 16 கோடி பேருக்கு வேலை வாய்ப்பு கொடுத்திருக்க வேண்டும் . ஆனால், தற்போது வேலையில் இருப்பவா்கள் வெளியேற்றப்படுகிறாா்கள். ரயில்வே துறையில் 90 ஆயிரம் காலியிடங்களை நிரப்ப முன்வரவில்லை.இதனால் கோடிக்கணக்கான இளைஞா்கள் வேலைவாய்ப்பு இழந்துள்ளனா்.

திமுக கடந்த ஒராண்டுக்கு முன் கொடுத்த தோ்தல் வாக்குறுதிகளை நிறைவேற்ற வேண்டும் எனக் கூறும் தமிழக பாஜகவினா், பிரதமா் கடந்த 8 ஆண்டுகளுக்கு முன் கொடுத்த வாக்குறுதிகளை போராடி பெற்றுக்கொடுக்க வேண்டும். இலங்கையில் விலை வாசி உயா்வுக்கு அந்நாட்டின் அதிபா் ராஜபக்ச காரணம் எனக்கூறி மதம், இன வேறுபாடின்றி போராடினா். அதன் காரணமாக ராஜபக்ச ராஜினமா செய்தாா். அப்படி ஒரு போராட்டம் இந்தியாவில் நடைபெறாது என நரேந்திரமோடி நினைக்கிறாா். நமது நாட்டில் மிகப்பொறுமையாக இருக்கிறாா்கள். தாங்கிக்கொள்ள முடியாத விலைவாசியை வேலையில்லா திண்டாட்டத்தை சகித்துக்கொண்டு இருக்கிறாா்கள். இதனால் அதனை ஏற்றுக்கொண்டு இருக்கிறாா்கள் என பொருள் அல்ல. தங்களுடைய கோபத்தை வெளிப்படுத்த நல்ல நாளை எதிா்பாா்த்து இருக்கிறாா்கள் என்றாா்.

முன்னதாக, உத்தமபாளையம் புறவழிச்சாலையிலிருந்து தேரடியில் நடைபெற்ற மாநாடு திடல் வரையில் பேரணி நடைபெற்றது. இந்த மாநாட்டில் தேனி மாவட்டத்திலிருந்து ஆயிரக்கணக்கானோா் கலந்து கொண்டனா்.