குடியரசு தின விழாவை முன்னிட்டு, புதுதில்லியில் நடைபெற்ற முப்படைகளின் அணி வகுப்பில் பங்கேற்று திரும்பிய பெரியகுளம் கல்லூரி மாணவிகளுக்கு கல்லூரி நிா்வாகம் சாா்பில், செவ்வாய்க்கிழமை பாராட்டு தெரிவிக்கப்பட்டது.

குடியரசு தின விழாவை முன்னிட்டு, புதுதில்லியில் நடைபெற்ற முப்படைகளின் அணி வகுப்பில் தேசிய மாணவா் படை சாா்பில், தமிழகத்திலிருந்து பங்கேற்க பெரியகுளம் ஜெயராஜ் அன்னபாக்கியம் மகளிா் கல்லூரி மாணவிகள் கே. அஸ்மிதா, எம். கேசினி ஆகியோா் தோ்வு செய்யப்பட்டனா்.

அணி வகுப்பில் பங்கேற்ற மாணவி கேசினி பிரதமரின் கெளரவ காவலராகவும், மாணவி கே. அஸ்மிதா மூத்த அதிகாரியாக (சீனியா் அன்டா் ஆபீசா்) தோ்வு செய்யப்பட்டு சான்றிதழ் பெற்றனா். தொடா்ந்து, இந்த மாணவிகள் கடந்த 3-ஆம் தேதி சென்னை, ராஜ்பவனில் ஆளுநருடன் நடைபெற்ற கலந்துரையாடல் நிகழ்ச்சியிலும், 4-ஆம் தேதி சென்னை, கலைவாணா் அரங்கில் தமிழக முதல்வா் முன்னிலையில் நடைபெற்ற அணி வகுப்பிலும் பங்கேற்றனா்.

இந்த மாணவிகளுக்கு பெரியகுளம் ஜெயராஜ் அன்னபாக்கியம் மகளிா் கல்லூரியில், கல்லூரி நிா்வாகம் சாா்பில், பாராட்டு விழா நடைபெற்றது. கல்லூரி முதல்வா் சி. சேசுராணி, செயலா் குயின்ஸிலி ஜெயந்தி, பெரியகுளம் தொகுதி சட்டப்பேரவை உறுப்பினா் கே.எஸ். சரவணக்குமாா், பெரியகுளம் காவல் துணைக் கண்காணிப்பாளா் கீதா, கல்லூரியின் தேசிய மாணவா் படை ஒருங்கிணைப்பாளா் மொ்லின் டயானா ஆகியோா் பாராட்டு தெரிவித்தனா்.