விருதுநகா் சந்தைக்கு வரத்து குறைவு காரணமாக கடலெண்ணெய், பாசிப் பருப்பு, துவரம் பருப்பு விலை உயா்ந்துள்ளதாக வியாபாரிகள் ஞாயிற்றுக்கிழமை தெரிவித்தனா்.

இந்த சந்தையில் வாரந்தோறும் அத்தியாவசியப் பொருள்களின் விலைப் பட்டில் வெளியிடப்படும். அதன்படி பொருள்களின் விலை விவரம்:

கடந்த வாரம் 15 கிலோ கடலெண்ணெய் டின் ஒன்று ரூ.3 ஆயிரத்துக்கு விற்பனை செய்யப்பட்டது. இந்த வாரம் டின் ஒன்றுக்கு ரூ.100 வரை உயா்ந்து, ரூ.3,100- க்கு விற்கப்படுகிறது. இதே போல, கடந்த வாரம் 15 கிலோ பாமாயில் ரூ.1,475- க்கு விற்கப்பட்டது. ஆனால் இந்த வாரம் பாமாயில் ரூ.35 குறைந்து ரூ.1,440- க்கு விற்பனை செய்யப்படுகிறது. மேலும், கடந்த வாரம் 100 கிலோ துவரம் பருப்பு புதுஸ் நாடு ரூ.11,200- க்கு விற்கப்பட்ட நிலையில், தற்போது மூட்டை ஒன்றுக்கு ரூ.300 உயா்ந்து, ரூ.11,500- க்கு விற்பனையாகிறது.

பாசிப் பருப்பு கடந்த வாரம் 100 கிலோ ரூ.10,300- க்கு விற்பனை செய்யப்பட்டது. இந்த நிலையில், இந்த வாரம் மூட்டை ஒன்றுக்கு ரூ.200 உயா்ந்து, தற்போது ரூ.10,500- க்கு விற்கப்படுகிறது. அதே நேரம், வத்தல் மற்றும் உளுந்து உள்ளிட்ட பிற உணவுப் பொருள்களின் விலையில் எவ்வித மாற்றமும் ஏற்படாமல், கடந்த வாரம் விற்கப்பட்ட விலையே நீடிக்கிறது.