புதுச்சேரி துணை நிலை ஆளுநர், காரைக்கால் மாவட்ட  மக்களிடம் காணொலி மூலம் வெள்ளிக்கிழமை (ஜன. 18) குறைகளைக் கேட்கவுள்ளார்.
இதுகுறித்து காரைக்கால் மாவட்ட ஆட்சியர் (பொ) ஏ. விக்ரந்த் ராஜா வெளியிட்ட செய்திக் குறிப்பு :
புதுச்சேரி துணை நிலை ஆளுநர், தனது அலுவலகத்தில் மாலை 5 முதல் 6 மணி வரை பொதுமக்களைச் சந்தித்து குறைகளைக் கேட்டறிவதுபோல, காரைக்கால் மாவட்ட மக்களிடம் வெள்ளிக்கிழமை மாலை 5 முதல் 6 மணி வரை காணொலி மூலம் குறைகளைக் கேட்டறியவுள்ளார். காரைக்கால் மாவட்ட ஆட்சியரக வளாகத்தில் நடைபெறும் இந்நிகழ்வில் பொதுமக்கள் பங்கேற்று குறைகளைத் தெரிவித்து தீர்வு காண இந்த அரிய வாய்ப்பை பயன்படுத்திக்கொள்ளலாம். குறைகளைத் தெரிவிக்க விரும்புவோர் வெள்ளிக்கிழமை காலை 10 முதல் பிற்பகல் 3 மணி வரை ஆட்சியரகத்தில் முன்பதிவு செய்துகொள்ள வேண்டும். குறைகளை எழுத்து வடிவில் தெரிவிக்க வேண்டும் என அதில் கூறப்பட்டுள்ளது.