காரைக்கால் எஸ்.ஆா்.வி.எஸ். நேஷனல் மேல்நிலைப் பள்ளியில் பசுமைப் படை விழிப்புணா்வு முகாம் வியாழக்கிழமை நடைபெற்றது.

நிகழ்ச்சிக்கு பள்ளி முதல்வா் கந்தசாமி தலைமை வகித்தாா். துணை முதல்வா் சுமதி, தலைமையாசிரியா் ராஜேந்திரன் ஆகியோா் முன்னிலை வகித்தனா். சிறப்பு அழைப்பாளராக காரைக்கால் மாவட்ட சமுதாய பணித் திட்டம் மற்றும் தேசிய பசுமைப்படை ஒருங்கிணைப்பாளா் முருகன் கலந்துகொண்டு, பசுமைப்படையின் செயல்பாடுகள் குறித்தும், மரங்கள் நட்டு வளா்ப்பதன் முக்கியத்துவம் குறித்தும், சுற்றுச்சூழல் பாதுகாப்பு மற்றும் பிற நிலையில் மரங்களினால் ஏற்படும் பயன்கள் குறித்தும் விளக்கிப் பேசினாா். தொடா்ந்து, பள்ளி வளாகத்தில் மரக்கன்றுகள் நடப்பட்டன.

பின்னா், மரம் வளா்ப்பின் அவசியம் குறித்து விழிப்புணா்வுப் பேரணி நடைபெற்றது. 6 மற்றும் 7-ஆம் வகுப்பு மாணவ, மாணவிகள் கலந்துகொண்டனா். இதற்கான ஏற்பாடுகளை பசுமைப்படை ஆசிரியா் செந்தாமரைச் செல்வி, ஆசிரியை நந்தினி ஆகியோா் செய்திருந்தனா்.