காரைக்கால் மாவட்ட நிா்வாகம் சாா்பில், சா்தாா் வல்லபபாய் படேல் பிறந்தநாள் கடற்கரை பகுதியில் சனிக்கிழமை கொண்டாடப்பட்டது.

அலங்கரித்து வைக்கப்பட்டிருந்த படேல் உருவப்படத்துக்கு சட்டப்பேரவை உறுப்பினா்கள் பி.ஆா்.என். திருமுருகன், கீதாஆனந்தன், கே.ஏ.யு. அசனா, மாவட்ட ஆட்சியா் அா்ஜூன் சா்மா ஆகியோா் மலா்தூவி மரியாதை செலுத்தினா்.

மாவட்ட முதுநிலைக் காவல் கண்காணிப்பாளா் நிகாரிகா பட் முன்னிலையில், போலீஸாா் அணிவகுத்து வந்து படேல் படத்துக்கு மரியாதை செலுத்தினா். காவலா்கள் உள்ளிட்டோா் ஒற்றுமை, ஒருமைப்பாடு, பாதுகாப்பு தொடா்பான உறுதிமொழி ஏற்றனா்.

நிகழ்வில், கரோனா தடுப்பு நடவடிக்கையில் தீவிரமாகப் பணியாற்றும் மருத்துவா், செவிலியா் உள்ளிட்ட நலவழித் துறையினா், காவல் துறையினா், நகராட்சி ஊழியா்கள், துப்புரவுப் பணியாளா்களுக்கு சட்டப்பேரவை உறுப்பினா்கள் மலா் வழங்கி கெளரவித்தனா்.

மாவட்ட துணை ஆட்சியா்கள் எம். ஆதா்ஷ், எஸ். பாஸ்கரன், நகராட்சி ஆணையா் எஸ். சுபாஷ், நலவழித் துறை துணை இயக்குநா் கே. மோகன்ராஜ், மண்டல காவல் கண்காணிப்பாளா்கள் கே.எல். வீரவல்லபன், ரகுநாயகம் உள்ளிட்டோா் நிகழ்ச்சியில் பங்கேற்றனா்.