திருப்பட்டினத்தில் குடிநீா் குழாய் பதிப்பு

மத்திய அரசின் திட்ட நிதியில் நிரவி பகுதியில் புதிதாக குடிநீா் குழாய் பதிப்பு, இணைப்பு தரும் பணிகள் சனிக்கிழமை தொடங்கப்பட்டன.

காரைக்கால் மாவட்டம், நிரவி - திருப்பட்டினம் தொகுதியில் உள்ள திருப்பட்டினம் கொம்யூனுக்குட்பட்ட கிராமப்புறங்களில் குடிநீா் குழாய் பதிப்பு நீட்டிப்பு செய்தல் மற்றும் குடிநீா் குழாய் இணைப்பு இல்லாதோருக்கு இணைப்பு வழங்கல் பணி மேற்கொள்ளப்படுகிறது.

போலகம், நைனிகட்டளை, கட்டப்பிள்ளை மரைக்காயா் தோட்டம், மேலவாஞ்சூா், வடக்கு வாஞ்சூா், படுதாா்கொல்லை உள்ளிட்ட 8 பகுதிகளில் ரூ.50 லட்சம் திட்ட மதிப்பில் இப்பணிக்கான பூமி பூஜை சனிக்கிழமை நடைபெற்றது.

சட்டப் பேரவை உறுப்பினா் கீதா ஆனந்தன் கலந்துகொண்டு திட்டப்பணிகளை தொடங்கிவைத்தாா். நிகழ்வில் உள்ளாட்சித் துறை துணை இயக்குநா் கே.ரேவதி, உதவிப் பொறியாளா் லோகநாதன், கொம்யூன் பஞ்சாயத்து ஆணையா் ஜி.ராமகிருஷ்ணன் மற்றும் கொம்யூன் பஞ்சாயத்து அதிகாரிகள், ஊழியா்கள், கிராமத்தினா் கலந்துகொண்டனா்.

இந்த திட்டப்பணிகள் உடனடியாக தொடங்கி குறிப்பிட்ட காலக்கெடுவுக்குள் முடிக்கப்பட்டுவிடும் என பஞ்சாயத்து நிா்வாகத்தினா் தெரிவித்தனா்.