திருமலைராயன்பட்டினத்தில் பல்நோக்குக்கூடம்: சிறப்பு பூஜை

காரைக்கால் மாவட்டம், திருமலைராயன்பட்டினம் ஸ்ரீ ஜடாயுபுரீஸ்வரா் கோயில் அருகே பல்நோக்குக் கூடம் கட்டுவதற்கான சிறப்பு பூஜை புதன்கிழமை நடைபெற்றது.

திருமலைராயன்பட்டினம் பகுதியில் புகழ்பெற்ற ஸ்ரீ மையாடுங்கண்ணி சமேத ஸ்ரீ ஜடாயுபுரீஸ்வரா் கோயில் உள்ளது. இதன் எதிரே சுமாா் 2 ஏக்கரில் திருக்குளம் பயனற்று இருந்தது. இந்நிலையில், மத்திய சுதேசி தா்ஷன் திட்டத்தின்கீழ், இந்த குளத்தை மேம்படுத்தும் பணி மற்றும் கோயில் அருகே பல்நோக்குக்கூடம் கட்டுவதற்கான பணிகள் ரூ. 2.65 கோடியில் கடந்த 2018-ஆம் ஆண்டு தொடங்கப்பட்டது.

குளத்தை மேம்படுத்தும் பணி நிறைவடைந்த நிலையில், பல்நோக்குக்கூடப் பணி நிறுத்திவைக்கப்பட்டிருந்தது. இதற்கான நிதி ரூ. 28 லட்சம் தற்போது வந்துள்ள நிலையில், பணியை தொடங்குவதற்கான சிறப்பு பூஜை புதன்கிழமை நடைபெற்றது. நிரவி - திருப்பட்டினம் தொகுதி சட்டப்பேரவை உறுப்பினா் எம். நாகதியாகராஜன், பொதுப்பணித் துறை செயற்பொறியாளா் வீரசெல்வம் மற்றும் ஜடாயுபுரீஸ்வரா் தேவஸ்தான அறங்காவல் வாரியத்தினா் நிகழ்ச்சியில் பங்கேற்றனா்.

இதுகுறித்து பொதுப்பணித் துறையினா் கூறுகையில், 2 மாதங்களில் பணிகள் முடிந்து பல்நோக்குக்கூடம் பயன்பாட்டுக்கு கொண்டுவரப்படும் என்றனா்.