காரைக்கால்: திருமலைராயன்பட்டின் குட்டைக்கரை காளியம்மன் கோயில் சித்திரைத் திருவிழாவில் சுவாமி புறப்பாடு செவ்வாய்க்கிழமை நடைபெற்றது.

திருமலைராயன்பட்டினம் வீழி வரதராஜ பெருமாள் தேவஸ்தானத்தை சோ்ந்த குட்டைக்கரை காளியம்மன் கோயிலில் ஆண்டு சித்திரைத் திருவிழா திங்கள்கிழமை வாஸ்து பூஜை, சுமங்கலி பூஜையுடன் தொடங்கியது. 2-ஆம் நாள் நிகழ்வாக செவ்வாய்க்கிழமை காலை சக்தி கரகம் வீதியுலா புறப்பாடு, மதியம் கஞ்சி வாா்த்தல் நடைபெற்றது.

இரவு குட்டைக்கரை காளியம்மன் சிம்ம வாகனத்தில் வீதியுலா புறப்பாடு நடைபெற்றது. வீதியுலாவில் பக்தா்கள் காளியம்மனுக்கு அா்ச்சனை செய்து வழிபாடு செய்தனா். 3-ஆம் நாளான புதன்கிழமை இரவு அக்னி கப்பரை வீதியுலா புறப்பாடு நடைபெற்றது.

வியாழக்கிழமை விடையாற்றி உற்சவம், மயான பூஜையுடன் உற்சவம் நிறைவடைகிறது. ஏற்பாடுகளை கோயில் தனி அதிகாரி சி. புகழேந்தி மற்றும் உபயதாரா்கள் செய்துள்ளனா்.