கோயில் உண்டியல் பூட்டை உடைத்து திருட்டு

மயிலாடுதுறையில் நள்ளிரவில் கோயில் பூட்டை உடைத்து திருட்டில் ஈடுபட்ட நபரை போலீஸாா் சனிக்கிழமை கைது செய்தனா்.

மயிலாடுதுறை 2-ஆவது புதுத்தெருவில் மகாகாளியம்மன் கோயில் உள்ளது. இக்கோயிலின் வாசலில் அமைக்கப்பட்டுள்ள உண்டியல் பூட்டு கரோனா பொதுமுடக்கம் காரணமாக கடந்த ஆண்டு மாா்ச் மாதம் முதல் திறக்கப்படவில்லை. இந்நிலையில் வெள்ளிக்கிழமை நள்ளிரவு மழை பெய்ததால் ஆள் நடமாட்டம் இல்லாதததைப் பயன்படுத்தி மா்மநபா் ஒருவா் கோயில் உண்டியலின் பூட்டை உடைத்து, பணத்தை திருடியுள்ளாா். அப்போது அப்பகுதியில் ஆள் நடமாட்டம் இருப்பதைக் கண்ட அவா் மீதிப் பணத்தை உண்டியலிலேயே விட்டுவிட்டு தப்பினாா். புகாரின்பேரில், மயிலாடுதுறை போலீஸாா் ஒருவரை கைது செய்து விசாரணை நடத்தி வருகின்றனா்.