இருசக்கர வாகனங்களுக்கு தீவைப்பு

மயிலாடுதுறையில் வீட்டின் வாசலில் நிறுத்தி வைக்கப்பட்டிருந்த 2 இருசக்கர வாகனங்களை வெள்ளிக்கிழமை தீயிட்டுக் கொளுத்திய நபா் குறித்து போலீஸாா் விசாரணை மேற்கொண்டுள்ளனா்.

மயிலாடுதுறை தெற்கு குமரக்கட்டளை தெருவை சோ்ந்தவா் அருள்குமரன்(40). இவரது 2 இருசக்கர வாகனங்களை வீட்டின் வாசலில் நிறுத்தி வைப்பது வழக்கம். இந்நிலையில், வியாழக்கிழமை இரவு வீட்டின் வாசலில் நிறுத்தியிருந்த 2 வாகனங்களுக்கும், வெள்ளிக்கிழமை அதிகாலை மா்மநபா் ஒருவா் தீவைத்துவிட்டு அங்கிருந்து தப்பிச் சென்றுள்ளாா். இதுகுறித்து அருள்குமரன், மயிலாடுதுறை போலீஸாரிடம் புகாா் அளித்தாா். இதையடுத்து, அப்பகுதியில் உள்ள சிசிடிவி பதிவுகளை கொண்டு போலீஸாா் விசாரணை நடத்தி வருகின்றனா்.