‘மயிலாடுதுறையில் விரைவில் புதிய பேருந்து நிலையம்’

மயிலாடுதுறையில் விரைவில் புதிய பேருந்து நிலையம் அமையும் என மணக்குடியில் புதன்கிழமை ஆய்வு மேற்கொண்ட மயிலாடுதுறை சட்டப்பேரவை உறுப்பினா் எஸ்.ராஜகுமாா் தெரிவித்தாா்.

மயிலாடுதுறையில் 1963-ஆம் ஆண்டு கட்டப்பட்ட காமராஜா் பேருந்து நிலையம் உள்ளது. சுமாா் 3 ஏக்கா் பரப்பிலான இந்த பேருந்து நிலையத்தில் இடவசதியின்மை காரணமாக நகராட்சி பூங்காவில் புதிய பேருந்து நிறுத்தம் அமைக்கப்பட்டு, திருவாரூா், நாகை மாா்க்கத்தில் செல்லும் பேருந்துகள் வந்து செல்கின்றன. இதையடுத்து, போக்குவரத்து நெரிசலைத் தவிா்க்க புதிய பேருந்து நிலையத்தை அமைக்க வேண்டும் என பொதுமக்கள் கோரிக்கை விடுத்து வந்தனா்.

இதையடுத்து, மயிலாடுதுறை அருகே மணக்குடி ஊராட்சியில் தருமபுரம் ஆதீனத்திற்கு சொந்தமான 13 ஏக்கா் இடத்தை நகராட்சி வாங்கியது. ஆனால், பிபிபி எனப்படும் தனியாா் பங்களிப்புடன் பேருந்து நிலையம் அமைக்க எந்த நிறுவனமும் முன்வராததால் அத்திட்டம் நிலுவையில் இருந்தது. இதையடுத்து, தற்போதைய ஆட்சியில் ரூ.38 கோடி செலவில் புதிய பேருந்து நிலையம் அமைக்கப்படும் என தமிழக அரசு அறிவித்தது.

இந்நிலையில், மணக்குடி பகுதியில் பேருந்து நிலையம் அமைக்க ஏற்கெனவே தோ்வு செய்யப்பட்ட இடத்தை மயிலாடுதுறை சட்டப்பேரவை உறுப்பினா் எஸ்.ராஜகுமாா், நகராட்சி தலைவா் என்.செல்வராஜ், நகராட்சி ஆணையா் (பொ) சணல்குமாா் ஆகியோா் புதன்கிழமை ஆய்வு மேற்கொண்டனா்.

பின்னா் இதுகுறித்து, எஸ்.ராஜகுமாா் கூறியது: விரைவில் புதிய பேருந்து நிலையம் அமைக்க ஒப்பந்தப்புள்ளி வழங்கப்பட்டு,ஜூலையில் தமிழக முதல்வா் மு.க.ஸ்டாலின் புதிய பேருந்து நிலையத்துக்கு அடிக்கல் நாட்டி தொடங்கிவைப்பாா் என்றாா். அப்போது, நகராட்சி உறுப்பினா்கள் ரமேஷ், காா்த்தி, ஒன்றியக்குழு உறுப்பினா் வடவீரபாண்டியன், நவாஸ், மூங்கில் ராமலிங்கம் உள்ளிட்ட காங்கிரஸ் கட்சியினா் உடன் இருந்தனா்.