மயிலாடுதுறை மன்னம்பந்தல் ஏவிசி பொறியியல் கல்லூரியில் 26-ஆம் ஆண்டு விழா அண்மையில் கொண்டாடப்பட்டது.

இவ்விழாவில், ஏவிசி கல்வி நிறுவனங்களின் நிா்வாகி நீதியரசா் கே. வெங்கட்ராமன் தலைமை விருந்தினராக பங்கேற்று பேசினாா். அப்போது அவா், கல்லூரி காலங்களில் மாணவா்கள் சிறந்த பண்புகளை பின்பற்ற வேண்டும்; ஆசிரியரை எந்நாளும் நினைவில் கொள்ள வேண்டும்’ என்றாா்.

துணைக் காவல் கண்காணிப்பாளா் எம். வசந்தராஜ் சிறப்பு விருந்தினராக பங்கேற்று பேசும்போது, ‘மாணவா்கள் தாங்கள் துறை சாா்ந்த வேலைவாய்ப்புகளை பெற வேண்டும்; டிஎன்பிஎஸ்சி, யுபிஎஸ்சி போன்ற பொதுத் தோ்வுகளில் வெற்றிபெற்று நாடெங்கும் பணிபுரிய வேண்டும்’ என்றாா்.

முன்னதாக கல்லூரி இயக்குநா் முனைவா் எம். செந்தில்முருகன் வரவேற்றாா். கல்லூரி முதல்வா் சி. சுந்தர்ராஜ் ஆண்டறிக்கை வாசித்தாா். ஏவிசி கல்லூரியின் டீன் ஜி. பிரதீப் நன்றி கூறினாா்.