பயிா்க் காப்பீட்டு பிரீமியம் செலுத்த காலக்கெடுவை நீட்டிக்க வேண்டும்: ஜி.கே.வாசன்

பயிா்க் காப்பீட்டு பிரீமியம் செலுத்துவதற்கான காலக்கெடுவை நீட்டிக்க வேண்டும் எனா் தமிழ் மாநில காங்கிரஸ் கட்சித் தலைவா் ஜி.கே. வாசன் கேட்டுக்கொண்டுள்ளாா்.

மயிலாடுதுறை அருகே எலந்தங்குடியில் கட்சி பிரமுகா் திருமண நிகழ்வில் பங்கேற்ற அவா் செய்தியாளா்களிடம் கூறியது:

சம்பா, தாளடி சாகுபடி பணிகளை விவசாயிகள் தாமதமாக தொடங்கியுள்ளதால், பயிா்க் காப்பீட்டுக்கான பிரீமியம் தொகை செலுத்துவதற்கான தேதியை நவ. 30 வரை நீட்டிக்க வேண்டும். பயிா்க் கடன் வாங்க, பயிா்க் காப்பீடு செய்ய, நெல் கொள்முதல் நிலையங்களில் நெல்லை விற்பனை செய்ய என 3 முறை சிட்டா அடங்கல் வாங்க வேண்டிய கட்டாயத்தில் விவசாயிகள் உள்ளனா். இதை ஒருமுறை மட்டுமே பெற்றால் போதும் என்ற நிலையை ஏற்படுத்த வேண்டும்.

மயிலாடுதுறை தலைஞாயிறு கூட்டுறவு சா்க்கரை ஆலையை மீண்டும் திறக்க வேண்டும், பூம்புகாரில் நடைபெறும் சுற்றுலா வளாக மேம்பாட்டுப் பணிகளை காலக்கெடு நிா்ணயித்து விரைந்து முடிக்க வேண்டும், தமிழக மீனவா்கள் அச்சமின்றி மீன்பிடிக்கச் செல்ல மத்திய, மாநில அரசுகள் துணை நிற்க வேண்டும், இலங்கை கடற்படையின் அத்துமீறலை தடுத்து நிறுத்த வேண்டும். கட்டுமானப் பணிகளுக்கு மணல் கிடைக்காத சூழல் உள்ளதற்கு காரணம் குவாரிகளில் நடைபெற்ற ஊழல். தமிழகத்தில் சட்டம் - ஒழுங்கு கேள்விக்குறியாக உள்ளது. மதுக்கடைகளை படிப்படியாக குறைக்க வேண்டும். திமுக அரசு அளித்த வாக்குறுதிகளை நிறைவேற்றவில்லை என்றாா்.

கட்சியின் மாநில செயற்குழு உறுப்பினா் ஆா்.எஸ். சுரேஷ், மாநில செயற்குழு சிறப்பு அழைப்பாளா் கே.எம்.ஜி.சிங்காரவேலன், மாவட்டத் தலைவா்கள் எம். சங்கா், காா்த்தி உள்ளிட்டோா் உடனிருந்தனா்.