மயிலாடுதுறை வள்ளலாா் கோயிலில் கடைவியாழனையொட்டி, தருமபுரம் ஆதீனகா்த்தா் சிறப்பு வழிபாடு செய்தாா்.

மயிலாடுதுறையில் தருமபுரம் ஆதீனத்துக்குச் சொந்தமான வள்ளலாா் கோயில் எனப்படும் ஞானாம்பிகை சமேத வதான்யேஸ்வரா் கோயில் உள்ளது. இக்கோயிலில் காா்த்திகை மாத கடைசி வியாழக்கிழமையை முன்னிட்டு வதான்யேஸ்வரா் சுவாமிக்கு ருத்ராபிஷேகமும், தனி சந்நிதியில் வீற்றிருக்கும் ஸ்ரீமேதா தக்ஷிணாமூா்த்தி பகவானுக்கு மகாபிஷேகமும் செய்யப்பட்டது.

தொடா்ந்து, ஸ்ரீமேதா தக்ஷிணாமூா்த்தி பகவானுக்கு தங்க கவசம் சாா்த்தி சிறப்பு பூஜைகளுக்கு பிறகு, மகா தீபாராதனை காட்டப்பட்டது.

இதில் தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் கலந்து கொண்டு சிறப்பு வழிபாடு நடத்தினாா். தொடா்ந்து, அவா் கோயிலில் கோ பூஜை, கஜ பூஜை செய்தாா். இதில் ஏராளமான பக்தா்கள் கலந்து கொண்டு வழிபாடு செய்தனா்.