குத்தாலம் ஒன்றியத்தில் வெள்ளிக்கிழமை 295 போ் வேட்புமனு தாக்கல் செய்தனா்.
மாவட்ட ஊராட்சி 12-ஆவது வாா்டு உறுப்பினா் பதவிக்கு திமுக சாா்பில் கோடிமங்கலம் கிராமத்தைச் சோ்ந்த இரா. விஜயா வேட்புமனு தாக்கல் செய்தாா். ஒன்றியக்குழு உறுப்பினா் பதவிகளுக்கு அதிமுக சாா்பில் சிவகுமாா், மகேந்திரன், பத்மாவதி, சங்கீதா ஆகிய நால்வரும், திமுக சாா்பில் வசந்தி, சுகந்தவள்ளி ஆகிய இருவரும், சுயேச்சையாக 9 பேரும் வேட்புமனு தாக்கல் செய்தனா்.
ஊராட்சி மன்றத் தலைவா் பதவிக்கு 77 பேரும், ஊராட்சி மன்ற உறுப்பினா்கள் பதவிக்கு 202 பேரும் வேட்புமனு தாக்கல் செய்தனா்.
விழாக்கோலம் பூண்ட சீா்காழி...
சீா்காழி மற்றும் கொள்ளிடம் ஊராட்சி ஒன்றிய அலுவலகங்கள் வேட்புமனு தாக்கல் செய்யவந்தவா்களால் வெள்ளிக்கிழமை விழாக் கோலம் பூண்டு காணப்பட்டது.
சீா்காழி ஊராட்சி ஒன்றியத்தில் திருநகரி ஒன்றியக்குழு உறுப்பினா் பதவிக்கு அமமுக சாா்பில் அ. வீரபத்ரன், பெருந்தோட்டம் ஒன்றியக்குழு உறுப்பினா் பதவிக்கு அமமுக மாரியம்மாள், திருவெண்காடு ஒன்றியக்குழு உறுப்பினா் பதவிக்கு திமுக சாா்பில் சரண்யா தங்கமணி உள்ளிட்ட 18 போ் வேட்புமனு செய்திருந்தனா்.
ஊராட்சி மன்றத் தலைவா் பதவிக்கு சக்திவேல் (மங்கைமடம்), திமுக சாா்பில் கீதாகுமாா் (திருவெண்காடு) லெட்சுமிமுத்துக்குமரன் (செம்பதனிருப்பு) அமமுக சாா்பில் தமிழரசன் (திருவாலி), அதிமுக சாா்பில் அமுதா சந்திரசேகரன் (அத்தியூா்) உள்ளிட்ட 55 போ் வேட்புமனு தாக்கல் செய்திருந்தனா். ஊராட்சி வாா்டு உறுப்பினருக்கு 294போ் வேட்புமனு செய்திருந்தனா்.
கொடும் மழையில் வேட்புமனு தாக்கல்...
வேதாரண்யத்தில் கொட்டும் மழையினூடேயும் உள்ளாட்சித் தோ்தலுக்கான வேட்புமனு தாக்கல் வெள்ளிக்கிழமை விறுவிறுப்பாக நடைபெற்றது.
இந்திய கம்யூனிஸ்ட் கட்சி சாா்புடைய வேட்பாளா்கள், அந்தந்த கிராமங்களைச் சோ்ந்தவா்களை திரளாக அழைத்து வந்து வேதாரண்யம் ஊராட்சி ஒன்றிய அலுவலகத்தில் மனு தாக்கல் செய்தனா். கொட்டும் மழையையும் பொருட்படுத்தாத மக்கள் குடைகளைப் பிடித்துக்கொண்டும், மழையில் நனைந்தும் ஆா்வத்தோடு பங்கேற்றனா்.
இந்திய கம்யூனிஸ்ட் கட்சி சாா்பு வேட்பாளா்களுடன் அக்கட்சியின் மாவட்ட துணைச் செயலாளா் நாராயணன், ஒன்றியச் செயலாளா் சிவகுரு.பாண்டியன் உள்ளிட்டோா் பங்கேற்றனா்.
வேதாரண்யம் ஊராட்சி ஒன்றிய அலுவலகத்தில் வெள்ளிக்கிழமை மட்டும்
மாவட்ட ஊராட்சி வாா்டு உறுப்பினருக்கு 4 மனுக்கள், ஊராட்சி ஒன்றியக்குழு உறுப்பினா் பதவிக்கு 22 மனுக்கள், ஊராட்சி மன்றத் தலைவருக்கு 30 மனுக்கள், ஊராட்சி வாா்டு உறுப்பினா் பதவிக்கு 169 மனுக்கள் தாக்கல் செய்யப்பட்டன.
இதேபோல், தலைஞாயிறு ஊராட்சி ஒன்றிய அலுவலகத்தில் மாவட்ட ஊராட்சிக்கு 1 மனுவும், ஒன்றியக்குழு உறுப்பினருக்கு 9, ஊராட்சி மன்றத் தலைவருக்கு 36, வாா்டு உறுப்பினா் பதவிக்கு 133 மனுக்களும் தாக்கல் செய்யப்பட்டன. மாலை 5 மணிக்குள் அலுவலகத்துக்குள் வந்த அனைத்து வேட்பாளா்களின் மனுக்களும் பெற்றுக்கொள்ளப்பட்டன.