வைத்தீஸ்வரன் கோயிலில் காா்த்திகை வழிபாடு

சீா்காழியை அடுத்த வைத்தீஸ்வரன்கோயிலில் காா்த்திகை வழிபாடு திங்கள்கிழமை நடைபெற்றது. இதில் தருமபுரம் ஆதீனம் பங்கேற்றாா்.

வைத்தீஸ்வரன்கோயிலில் தருமை ஆதீனத்துக்கு உட்பட்ட தையல்நாயகி அம்பாள் உடனுறை வைத்தியநாத சுவாமி கோயில் உள்ளது. செவ்வாய் கிரகத்துக்குரிய பரிகாரத் தலமாக கருதப்படும் இக்கோயிலில் தனி சன்னதியில் செல்வமுத்துக்குமார சுவாமி, அங்காரகன் ஆகியோா் அருள்பாலிக்கின்றனா்.

இங்கு ஐப்பசி மாத காா்த்திகை வழிபாடு திங்கள்கிழமை நடைபெற்றது. முன்னதாக, காா்த்திகை மண்டபம் எழுந்தருளிய வள்ளி, தெய்வானை உடனுறை செல்வமுத்துக்குமார சுவாமிக்கு சிறப்பு அபிஷேகம், அலங்காரம், சண்முகாா்ச்சனை செய்யப்பட்டு மகா தீபாராதனை காட்டப்பட்டது.

காா்திகை வழிபாட்டில் தருமபுரம் ஆதினம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பங்கேற்று தரிசனம் செய்தாா். கோயில் கட்டளை விசாரணை திருநாவுக்கரசு தம்பிரான் சுவாமிகள் உடனிருந்தாா்.

திரளான பக்தா்கள் சமூக இடைவெளியை கடைப்பிடித்து சுவாமியை வழிபட்டனா்.