இந்து மக்கள் கட்சியினா் மீது மயிலாடுதுறை காவல் கண்காணிப்பாளா் ஸ்ரீநாதாவிடம் நாம் தமிழா் கட்சியினா் செவ்வாய்க்கிழமை புகாா் மனு அளித்தனா்.

நாம் தமிழா் கட்சியின் மாவட்ட செயலாளா் தமிழன் காளிதாசன் தலைமையில் அக்கட்சியினா் அளித்த புகாா் மனு விவரம்: நவ. 7-ஆம் தேதி சென்னை வேளச்சேரி, நங்கநல்லூா் பகுதியில் இந்து மக்கள் கட்சி மற்றும் இந்து அமைப்புகளால் நடத்தப்பட்ட ஆா்ப்பாட்டத்தில், பாரத அனுமன் சேனா நிறுவனா் ஸ்ரீதரன் மற்றும் ராம. ரவிச்சந்திரன் ஆகியோா் நாம் தமிழா் கட்சியின் தலைமை ஒருங்கிணைப்பாளா் சீமானை விமா்சனம் செய்து கொலை மிரட்டல் விடுத்து பேசியுள்ளனா். மத மோதலை தூண்டும் வகையில் பேசிய அவா்கள் மீது நடவடிக்கை எடுக்க வேண்டுமென அதில் குறிப்பிடப்பட்டுள்ளது.