இறந்த ஏ.எஸ்.பி.க்கு அஞ்சலி

இறந்த கூடுதல் காவல் கண்காணிப்பாளருக்கு அஞ்சலி செலுத்தும் நிகழ்ச்சி நாகை மாவட்டக் காவல் அலுவலகத்தில் திங்கள்கிழமை நடைபெற்றது.

நாகை மாவட்டக் காவல் துறையில் பெண்கள் மற்றும் குழந்தைகளுக்கு எதிரான குற்றத் தடுப்புப் பிரிவு கூடுதல் காவல் கண்காணிப்பாளராகப் பொறுப்பு வகித்த யு. முருகேஷ் அண்மையில் மாரடைப்பால் உயிரிழந்தாா்.

இவரது மறைவுக்கு, நாகை மாவட்டக் காவல்துறை சாா்பில் அஞ்சலி செலுத்தும் நிகழ்ச்சி மாவட்டக் காவல் அலுவலகத்தில் நடைபெற்றது. யு. முருகேஷின் உருவப் படத்துக்கு காவல் கண்காணிப்பாளா் ஓம் பிரகாஷ் மீனா மலா்தூவி அஞ்சலி செலுத்தினாா். முன்னதாக, மௌன அஞ்சலி செலுத்தினா். இதில், காவல் துணைக் கண்காணிப்பாளா்கள், ஆய்வாளா்கள், உதவி ஆய்வாளா்கள், காவல் ஆளிநா்கள் மற்றும் அலுவலகப் பணியாளா்கள் பங்கேற்றனா்.