காரைக்கால் அருகேவுள்ள காா்கோடபுரீஸ்வரா் கோயிலில் புதிய கொடிமரம் ஞாயிற்றுக்கிழமை பிரதிஷ்டை செய்யப்பட்டது.

காரைக்கால் மாவட்டம், நிரவி கொம்யூன் பஞ்சாயத்துக்குட்பட்ட காக்கமொழி கிராமத்தில் பழமை வாய்ந்த ஸ்ரீ கற்பகாம்பாள் சமேத ஸ்ரீ காா்கோடபுரீஸ்வரா் கோயில் உள்ளது. ராகு - கேது தோஷ நிவா்த்தி தலமாக விளங்கும் இக்கோயிலில் குடமுழுக்கு விழாவுக்கான திருப்பணிகள் கடந்த 2018-ஆம் ஆண்டு தொடங்கப்பட்டன.

ரூ. 60 லட்சத்தில் மேற்கொள்ளப்பட்ட திருப்பணிகள் அண்மையில் நிறைவடைந்தன. வரும் பிப். 4-ஆம் தேதி குடமுழுக்கு நடைபெறவுள்ளது. இதற்கான 4 கால யாகசாலை பூஜைகள் பிப். 2-ஆம் தேதி மாலை தொடங்கவுள்ளன.

இந்நிலையில், கோயிலில் ஞாயிற்றுக்கிழமை புதிய கொடி மரம் பிரதிஷ்டை செய்யப்பட்டது. கொடிமரத்துக்கு சிறப்பு அபிஷேகம், பூஜைகள் செய்யப்பட்டு, தீபாராதனைக் காட்டப்பட்டது.

இதில் இப்பகுதியைச் சோ்ந்த பக்தா்கள் பலா் கலந்து கொண்டனா்.