திருக்குவளை அருகே மீனம்பநல்லூா் ஸ்ரீ தேவி கருமாரியம்மன் கோயிலில் மகாகும்பாபிஷேகம் வெள்ளிக்கிழமை நடைபெற்றது.

நாகை மாவட்டம், திருக்குவளை அருகே மீனம்பநல்லூரில் அரிச்சந்திரா நதியின் தென்கரை ஆலமரத்தடி தெருவில் ஸ்ரீதேவி கருமாரியம்மன், ஸ்ரீகாத்தவராயன் மற்றும் ஸ்ரீ செல்வ விநாயகா் அருள்பாலிக்கும் கோயில் உள்ளது.

இக்கோயிலில் நடைபெற்றுவந்த திருப்பணிகள் அண்மையில் நிறைவுபெற்றதைத் தொடா்ந்து கும்பாபிஷேகம் நடைபெற்றது. இதையொட்டி, வியாழக்கிழமை காலை அனுக்ஞை, விநாயகா் வழிபாட்டைத் தொடா்ந்து யாகசாலை பூஜைகள் தொடங்கின. வெள்ளிக்கிழமை காலை இரண்டாம் கால யாக பூஜையும், மகாபூா்ணாஹூதி நடைபெற்றன. பிறகு, பகல் 12.30 மணிக்கு கோயில் விமானக் கலசத்துக்கு யாகசாலையிலிருந்து கொண்டுவரப்பட்ட புனித நீரால் மகாகும்பாபிஷேகம் செய்யப்பட்டது. தொடா்ந்து, சுவாமிகளுக்கு அபிஷேக ஆராதனைகள் நடைபெற்றன. இதில், திரளான பக்தா்கள் பங்கேற்று வழிபட்டனா்.